جميع الحقوق محفوظة لصفحة
آل سلام لتعبئه المواد الغذائيه ودواجن التسمين 
آل سلام لتعبئه المواد الغذائيه ودواجن التسمين
يسمح بتداول النشر والطبع ولكن بشرط ذكر المصدر
http://kenanaonline.com/MAS2008
بعد طول انقطاع دام لاكثر من ثلاثة اشهر بالفعل شغلتنا امور كثيرة ولكن الكتابة والعلم يسرى فى العروق .
وخصوصا اذا كان المعلم شخص كمهندس عاطف عبدالدايم .
رجل اتاه الله من العلم فلم يبخل ولم يتكبر .
رجل قطع على نفسة عهدا ان يعطى العلم بدون مقابل
ولكن نحن كمصرين وكعرب عادتنا انا اعطيك فما المقابل ؟؟؟؟؟؟
والمقابل عندى لمثل هذا الرجل
الدعاء بظهر الغيب لة ولسائر المسلمين وقارىء هذا المقال وناشيرة
بالبركة فى الصحة والاهل والمال والولد والعفو والعافية
اللهم امين امين .
-----------------------------------------------------------------
اخى المشرف
وانت بتقرر تصمم برنامج وقائى لاى دورة دواجن
اعمل لنفسك خطة دفاعية
بمعنى كل مرض من الامراض اللى بتصيب اى دورة
لة اكثر من طريقة فى العلاج واكثر من الية علاجية
يعنى زى الشطرنج مثلا بنبدا دايما بالعساكر ويخلى باقى الاسلحة بعدين
وزى قيادات معينة يضحوا بعساكر فى الاول ولما يلاقى الامور حجمها كبر ممكن يضحو باكبر من كدا لتحقيق الهدف
تعالوا نطبق النظرية دى فى الدواجن
عندك مثلا الوقاية من
الميكوبلازما
فى اول الدورة ابدا بحاجة خفيفة زى الانرو او الدوكسى
نص الدورة ادخل بالتيلوزين
اما اخر الدورة فهتكون مجهز التقيلة اللى مش بتخيب معاك سواء اسبيراميسين او لينكو او تلميكوسين
طيب لية التدريجة دى ؟؟؟؟؟؟؟؟؟؟
لان لو فية ميكوبلازما فى اول العمر صعب انها تتزامن مع مرض تانى او حتى خلل فى الرعاية فبتكون وحدها
لاكن فى نصف الدورة بيكون فى الغالب بدات السموم شوية فى العلف
بدات الكتمة على خفيف فانت محتاج حاجة اقوى على المرض لان المرض بيحتمى فى المشاكل الاضافية دى
وفى الثلث الاخير من الدورة بيكون الامونيا جودة الفرشة الرطوبة سموم العلف النقص المناعى اللى اسبابة كتير
اجهاد زيادة الوزن والتحويل كل دول بيضعفوا من الجسم ويخلو قوة المرض اكب واكبر بالتالى لازم تكون مجهز اقوى اسلحتك
قيس على كدا كل الامراض
يعنى ناخد مثل اخر
الكوكسيديا
ابدا ب امبرول مع ايثوبابيت او ديافيردين
واتنقل لمرحلة اكبر شوية السلفا مع الامبرول
وخلى اقوى مرحلة فى الاخر او فى الطوراى
(تولترازوريل او داى كلاروزوريل )
الكولستريديا
ابدا بالامبسلين
المرحلة اللى بعدها
خليك على الاموكسى او الزنك باستراسين
المرحلة الاخيرة انزل باحد من الثقال (لينكو او ريفاميسين )
بص كل الامراض فيها كدا
واى دورة معروفة قلة امراض او مشاكلها فى الاول ومع الوزن والتحويل تبدا مشاكل الفرشة والوزن وبالتالى الامراض تكون اقوى
طبعا انت معتقد ان المرض اقوى
لا
المرض هو هو بس دخل معاك امور اخرى اضعفت الجسم
كل كلامى على الوقاية مش العلاج
لان فى العلاج بيكون استراتيجية تانية ليها معايير كتير
اللهم اجعل عملنا هذا خالص لوجهك الكريم
م / عاطف عبدالدايم
جميع الحقوق محفوظة لصفحة
آل سلام لتعبئه المواد الغذائيه ودواجن التسمين
آل سلام لتعبئه المواد الغذائيه ودواجن التسمين
يسمح بتداول النشر والطبع ولكن بشرط ذكر المصدر
