المقال تجميع وتنسيق ادارة صفحة
آل سلام لتعبئة المواد الغذائية ودواجن التسمين
https://www.facebook.com/allsallamForfoodpackagingandpoultryfattening
السلام عليكم
طبعا بدون مقدمات إحنا داخلين على دورة شتا
وكلنا عارفين دورةالشتا بتبقى مشاكلها كتير ( غاز كتير وأزمات غاز
وتدفئة – فيروسات منتشرة -.....)
هنخلينا فى الجزء اللى يخصنا وهنتكلم على أهم الفيروسات اللى
متوقع نشاطها بطريقة متوحشة الفترة القادمة فى مصر واللى دايما
بتبقى موجودة ( أى بى – إنفلونزا – نيوكاسل – وأحيانا جمبورو )
طبعا هنبدأ بشوية كلام كده عن الحاجات الاساسية اللى ناخد بالنا
منها دايما واللى بنقولها دايما لكن بنفكر الناس بيها
- عاوزين ناخد بالنا شوية من التطهير واللى كتير بيهملوا فيه ...بمعنى
https://www.facebook.com/allsallamForfoodpackagingandpoultryfattening
تانى اصرف شوية على التطهير وصدقنى هيرجعلك تانى ....وده هنعمله
موضوع لوحده
- الحاجه التانية والمهمة ....أمن مزرعتك الحيوى وده مهم جدا الفترة
الجاية ولمصلحتك وهنتكلم عليه برضه لوحده .
طب تعالى ياسيدى نتكلم شوية عن المزرعه نفسها : مهمتك فى
الدورة عموما هى الحفاظ على الفرشة من الرطوبة العالية اللى بتعمل
أمونيا وطبعا رطوبة + أمونيا = نافق عالى من الميكوبلازما والكولاى =
صدر بايظ وطشمة عالية = وطبعا هتنشط الكوكسيديا والكلوستريديا =
https://www.facebook.com/allsallamForfoodpackagingandpoultryfattening
سوء تحويل ونقص فى كمية العلف المستهلكة =..يبقى ماتجيش تسأل
على الفرخ بعد كده
يعنى ماتجيش تعملى العنبر ارضيته شرب وطين وتقولى فى اسهالات
ومشاكل تحويل
طب والتحدى الأكبر؟؟؟؟
هو انك تحافظ على الحرارة والتهوية ولازم عشان تحافظ عليهم تفرق
بينهم .
التهوية : هى معدل تغير الهوا اللى فالعنبر وبتتحكم فيها بسرعه الهوا
الحرارة : درجة حرارة الهوا نفسه ...يعنى ياسخن يابارد
-الحاجات بقا الأهم مدخلات مزرعتك :
-كتكوت : وده تاخد بالك منه قوى الفترة الجاية لأن مشاكله رخمة
خصوصا لو جايلك بميكوبلازما لأنها هتفضل مرخمة عليك وهتقرفك طول
الدورة ....بتبقى عاملة زى حساسية الصدر لطفل صغير ......ده غير
التهابات السرة والسالمونيلا وكده ودى مشهورة أكتر فى البلدى
والساسو...وده دورك فى اختيار مصدر الكتكوت النضيف.
-العلف : بتتلخص مشاكله فى حاجه من اتنين ...( السموم الفطرية
ودى لازم تاخد بالك منها كويس ومنها سموم بتبقى تراكمية : يعنى
السم موجود بس بنسبة بسيطة مش هتلاحظها وتفضل تأثر على
الفرخ لحد ماتتراكم وتسبب له مشاكل كتير اهمها نقص المناعه-
الاستسقاء و......هنكملها بعدين ...)
الحاجه التانية وهى مشكله تحويل ودى بتيجى فى تركيبات العلف
ولازم تلحقها فى الأول ...بمعنى انك تجيب علف من مصدر موثوق منه
ونكمل المرة الجاية عن طرق التعامل مع كل فيروس لوحده على حده
( الأى بى – الإنفلونزا – النيوكاسل – الجمبورو)
د.محمد الإمام
https://www.facebook.com/allsallamForfoodpackagingandpoultryfattening
دمتم بخير والى لقاء جديد
