تجميع وتنسيق
اداره آل سلام لتعبئه المواد الغذائيه ودواجن التسمين
----------------------------
العرج فى الدواجن
المسببات كثيره ومتعدده ومنها ما هو مرضى وما هو غير مرضى
وسنعرض الامر من وجهه النظر الحقليه
اولا : الاسباب الغير مرضية
* زى نقص الكالسيوم او فوسفور او فيتامين د
* الجفاف
* النقرص
دى الاسباب الغير مرضية
دى ممكن نتعرف عليها حقليا ان الطير تلاقى فى حصلتة علف لا ياكل
يعنى او انى اجوعة شوية واحط العلف قدامة الاقى بينقر فية
ثانيا: طيب الاسباب المرضية
اولها السموم الفطرية وخاصة الاوكراتوكسين
ودى بتتعرف حقليا ازاى؟؟
بتلاقيها متزامنة مع تغير علف
طيب فية نوع اخر ممكن يجى مع انى مغير العلف بس مش يبان فى الاول
ودا ارجع الى ان نسبة السموم خفيفة فى العلف فمحتاجة وقت علشان تتراكم ويبان تاثيرها
ودى بتتعرف لما الاقى العرج موجود لاكنة خفيف وبيزيد مع الوقت
طبعا اى حاجة تعمل فشل كلوى
مثل الجمبورو او الاى بى دول بردة بتعملو عرج
بعض حالات الريو فيرس بتعمل اى بى
طيب بعض البكتيريا ممكن تعمل عرج زى
نوع من انواع الميكوبلازما
السالمونيللا
الاستاف
وحاجات تانية كتير
فية اسباب تبع الرعاية
زى؟؟
تلوث الماء واملاحة الزايدة
رطوبة الفرشة وما يترتب عليها من كوكسيديا وكلستريديا
التعطيش الاكثر من اللازم بردة بيعمل عرج
اضافة مضاد حيوى من عائلة التتراسيكلين بكمية كبيرة ولوقت طويل مثل الاوكسى والكلوراتتراسيكلين
طبعا كل دا بجانب عيوب الام والبيضة
طيب العيوب المرضية بتعمل نافق سريع
اما العيوب الادارية والغير مرضية بتعمل نافق عن طريق عدم وصول الطير اللى بيعرج للماء او العلف .
دمتم بخير
ونوعدكم بالمزيد
تجميع وتنسيق
اداره آل سلام لتعبئه المواد الغذائيه ودواجن التسمين
-----------------------------------
مقدمه من مهندس
عاطف عبدالدايم
