قلناها من قبل وهنقولها تانى
غالبية المربين سواء اللى شغالين فى عنابر مفتوحة او مغلقة مش بيهتمو بموضوع التهوية سواء فى المفتوح او تشغيل المراوح فى المغلق
فى فترة التحضين او فى اول العمر
بيقولك مفيش ريحة
بيقولك مفيش امونيا
بيقولك الكتكوت لسة صغير
شوف يا اخى
طول ما الكتكوت بياكل فلازم يخرج الزرق
وطول ما بيخرج زرق
والزرق المكون بتاعة يوريك اسيد
وفى وجود اى مستوى
من الرطوبة ( بلل حول السقايات - زفير تنفس - رطوبة خارجية )
هينتج امونيا من المعادلة المعروفة دى
يويك اسيد + رطوبة = امونيا
طبعا انت معتقد ان نسبة الامونيا الغير واضحة فى الاسبوع الاول لا تاثر على التسمين او المناعة
بالعكس
اتعمل تجربة بين عنبرين مشتركين فى كل حاجة سواء كتكوت او علف او برنامج
بس عنبر منهم اتفتحت المرواح او حصل تهوية فى من اول يوم
وعنبر بداية التهوية من بعد اليوم السابع
وكانت النتيجة
ان فرق الوزن بين العنبرين كان من 15 الى 18%
العنبر اللى اتهوى من اول يوم جايب وزن 1800 جرام
فى حين ان التانى عمل وزن 1620 جرام
على نفس نسبة العلف
طبعا اسباب تدهور الوزن دا متعددة يعنى اسهالات من اول يوم
التهابات فى العيون كانت مش كتيرة بس اثرت
وحاجات كتير جدا تانية
حتى عند قياس تتر المناعات كان فية فرق
يعنى لازم التهوية من اول يوم
او حتى من تانى يوم
لو خايف تفتح شباك او مروحة
انتظر اى وقت من اوقات النهار يكون دافئ وافتح
لو خايف على الحرارة ارفع الدفايات وافتح تهوية
المهم لازم التهوية من اول يوم
اللهم اجعل علمنا هذا خالص لوجهم الكريم
مع تحياتى وشكرا
مهندس عاطف عبد الدايم
دمتم بخير دائما والى لقاء دائما متجدد وعامر وزاخر
مع تحيات
آل سلام لتعبئه المواد الغذائيه ودواجن التسمين
01000858956
الشمس لانتاج مصنعات اللحوم والدواجن 👈 محمد على سلام
عدد زيارات الموقع
تسجيل الدخول
ابحث
الدواجن آلم وأمل