شوف يانبي الرحمة شوف
شوف المسجد 
بقى مكان للموت
شوف يا نبينا شوف
أزاى اللى رايح يصلى يموت
شوف الدم صار نهر فى السجود
شوف الركعة أصبحت
لطمة على الخدود
شوف يانبى الرحمة شوف
أزاى الدمعة تحرق تحت الجفون
أزاى الفرحة صارت 
حسرة فى أفضل
يوم للصلاة المكتوبة
أزاى العيد أصبح حزن
بين الجدران مسكون
شوف يانبى الرحمة شوف
أزاى المصلى صار أجزاء 
تحت القذائف مردوم
أزاى الجسد صار ركام 
مع الدخان منثور
أزاى الدم صار حلال
كالمية مرشوش
شوف يانبى الرحمة شوف
ازاى الأشلاء أتلمت فى هدوم
و الجريح غريق تحت 
بركان من الهموم
ونارالأسى تشتعل فى القلوب 
شوف يانبى الرحمة شوف
كيف بيت الله صار مكان للحروب
شوف يانبى الرحمة شوف
***امل العربى**