<!--
<!--<!--<!--<!--
الدنيا ظلمانى
****
دايماً يادنيا ظلمانى ...
و للهموم والجراح وخدانى
ولا عمرى منك شكيت...
ولاعمرى قلت آه يانى...
وصابر على مر جرحك...
يطيب جرح تجرحى تانى
لإمتى يا دنيا أبات مجروح....
و هتفضلى لإمتى جرحانى
يا دنيا حاولت أصالحك كتير....
وإنتى ديماً مخصمانى
وفى الفرح يا دنيا تنسينى
وفى الأحزان تملى فاكرانى
وأنا الى طول عمرى أحيلك
وأنتى طول عمرك معندانى
حتى طيرى الى سكن قلبى
وكان منى زى نبض شريانى
فرقتى يا دنيا بينى وبينه
وعنى بعد وسابنى وحدانى
وفى بعده بأقاسى والويل
و الأحزان بعده مصحبانى
بالليل أصرخ بعلو الصوت
لاهوسامع ولا إنتى سمعانى
وعلى الجرح صابر يادنيا
عسى يعود الفرح من تانى
و يرجع حبيبى إلى غايب
والحزن أنساه وينسانى
ونشرب كسات المحبه
ويطرح بالورد بستانى
ويخضر قلبى الحزين
ويسكن الفرح بوجدانى
ويرحل ظلام الليل وأساه
لما ألقى حبيبى ويلقانى
وتشرق شموس المحبه
والطير يغرد فوق أغصانى
****************
شعر المستشار ابراهيم على
