انا مالي و مالك
زي مازمان خليتني في حالي
هسه كمان سبتك في حالك
شلت هواك من جواي خالص
حت مشيت وبقول عقبالك

كنت بتغلط فيني واحاول
افتش ليك جوايا عزر
واضحك ليك واطيب خاطرك
وانا من جوة بضوق المر
بكره الشفتو معاكا بتلقه
وزي ماصبرت عليك اصبر
وهسه بدونك اسعد زول
مع احلا عيون سمحات وسمر

سيبا تعلمك الايام
انها ياما تشيل وتجيب
وقلبي المخلص فوق الريد
دا اكتر حاجه بيعرف اسيب
شكرا وانا بتعلم منك
ما كل البرتاح ليهو حبيب
عرفت كمان حنيتي معاك
كان اكبر غلطه واكبر عيب

اول مره تقول بتريدني
وانت طلعت كمان بتغر
الحنيه دي كلها منك
كان محتاج ابسط بكتير
انا خليتك وما ح ارجع
لو فرشت طرقي حرير
حنك اتهنابو البعدي
واتمنالك كل الخير