انت عارف انا مين ..

طيب هو انت تعرفنى ؟

طيب ع اى اساسى بتكلمنى .وبتحكيلى عنك ..

وطالب منى احكيلك عن حياتى ..


ماشى متفقين احكى براحتك وهتلاقيينى سمعاك بحب وثقه ..

لكن بلاش تتدخل ف حياتى وخصوصياتى وتطلب منى حاجات مش مسموحة

ولا انت حتى تسمح بيها لاقرب حد ليك ..

انت تعرفنى ..

بلاش ياحضرة لو سمحت تتعامل معايه ع انى طفله وماليش اى قيمة .


بلاش بعد اذنك تقلل منى او تستخف بعقلى ومشاعرى ..

انا مش بنت اى كلام ومش معنى انى فاتحة النت انى اكون سهله المنال ..


بلاش بعد اذنك نتعامل كدا ونستخف ببعضنا ونكدب ف الكلام ..


خلى بالك ياحضرة ان الحياة كما تدين تدان و انت ليك اخوات كمان .

حافظ ع بنات غيرك علشان تلاقى الحفاظ لاخواتك ..

ياحضرة الاحترام مبدائى والثقه فن تعامل واسلوب راقى مش مجرد كلامى ف الهوى ..

ارجوك ياحضرة وانتى كمان حضرتك بلاش نستخف بمشاعر بعضنا ونلعب ع وتر

الفراغ العاطفى ..ليه الاحترام مايكونشى بجد ونتكلم جد ونهزر بحترام دة حتى الضحك مش

حرام ولا كمان الهزار ..وفيه مثل قالوا زمان الضحك سر الحياة ..

انت تعرفنى ولا انا كمان اعرفك ..

عايز تحكى احكى باحترام وخليك صادق ف الكلام وكن بجد صديق وصاحب له ذكرى حلوة

ف الحياة ..عايز تحب عادى حب واتحب دى شى مش حرام لكن الحب ياصاحبى مش كلام

والسلام الحب فعلا وثقه واحترام وخوف ع الحبيب ..

ارجوك يا حضرة وانتى كمان حضرتك ..خلونا نتعامل كاننا ف الواقع مش ورى شاشات

نجمل كدبنا ونجمل حاجات مش فيينا علشان بس نرضى غيرنا ونوهم نفسنا

بوجود اصحاب كتير ف صفحتنا ..لالا الواقع افضل بصدقه وحياتنا الاجمل والوحش فيينا

ببساطتنا هنجمله ..وبعدين احنا كلنا خلقت ربنا وعيوبنا ومميزاتنا سهل نصلحها ونكون

الافضل والاجمل ..

اتمنا فعلا حياتنا تكون صح والاحترام صدق والحب حقيقه حتى لو كان من ورى شاشه..


مجرد كلام