فى عالم الفيس بوك بنتكلم مع ناس منعرفهاش..

بيحكوا لينا وبنحكى ليهم وكاننا عشرة عمر من زمان ..

بئوا هما اقرب مالينا بنشتاق للحظة كلامنا معاهم..

بجد رغم انه عالم تانى وحياة تانية وطبعا فيه الكويس والوحش

زيه زى الحياة والواقع تمام ..

لكن بامانة فيهم ناس بتساعدك رغم انها مافيش معرفه بينكم .

غير يادوب مجرد حروف كيبورد جمعتكم صدفه ..

فعلا عالم الفيس بوك عالم جديد وغريب ..

لكن فعلا كل يوم بنتعلم منه درس مفيد ؟

بنعرف ناس جديده وحياة اجدد..

بنعرف حقايق ناس كانت صورتها ف نظرنا اجمل ..

وناس جميله بتساعدك من غير مقابل بس لمجرد المبدا

مبدا الصداقه اللى بجد والاخوة الحقيقيه ..

مننكرشى ان الفيس له سلبيات وايجابيات ..

لكن الاكيد انه فعلا اكبر استاذ ف الحياة ..

بالنسبة ليه فعلا اتعلمت منه وعرفت ناس بسببه ..

واكتشفت حقيقه الحياة منه ..وازاى اميز الكدب من الصدق..


فعلا هو مدرسة زى الحياة بايجابيات وسلبيات ..

المهم والاهم اننا نتعامل معاه صح ..ويكون الاحترام مبدائنا ..

والصدق حياتنا ...ونخلع قناع مش بتاعنا ..

هنلاقى العالم دة جميل بجد ونستفيد منه ..