عارف انا مين ..؟

انا بنت مصريه عاديه اتربت ف البلد ديه ..

شربت من نيلها ومشيت ف شوارعها وكتبت على جدرانها

قلوب وحكايات صبيه وذكريات بنت مراهقه ..

عارف انا مين ؟

انا بنت بسيطة اتربت وسط فلاحين وارض وطين ..

ابوها راجل بسيط بس علمها معنى الحب والحنين ..

واتربت ع ايد ملكة هى امى حبيبتى علمتنى عشق بلدى واحترامها ..

عارف انا مين ؟

انا اللى جدى بنى الاهرام واخويه عبر القنال ..

عمرى الف عام وحياتى حلم جميل ..

وزمانى وعشقى لام الدنيا وبلد النيل ..

عارف انا مين ؟

انا بنت اتربيت ع خير بلدى واتعلمت الاصول من اهلى

اتعلمت منهم احترام الغريب واكرام الضيف قبل القريب .

اتعلمت منهم الحب الصافى الجميل وعشق الخير للغير ..

عارف انا مين ؟

انا بنت مصريه

حياتى عصريه لكن تقاليدى مصريه شرقيه

وديانتى التسامح والمحبة والرحمة لكل الامة ..

ولغتى لغه رب الكون اهدها نعمة للنبى الحنان محمد ابن عبد الله .

عارف انا مين ؟

انا بكل فخر مصريه شرقيه ..