<!--<!--<!--

( بحلم بيوم ) * بقلم / حسن البدوي

---------------------------------

 ماشي في عز الصيف

في عز الحر

حافي وداير

وأنا عريان

محروم ضعيف تعبان

شايل فوق راسي

هموم الكون

طوب ماشي ظلط ماشي

عطشان جعان عرقان

فين الرحمة يابني آدمين؟

بحلم في يوم أكون بني آدم

فين الشفقة ياعالم فين؟

بحلم بحضن دافي

واعيش في خير وأمان

بحلم بلقمة خفيفة

ونومة وهدمة نضيفة

وشوية رحمة وحب وحنان

بحلم بيوم في بيت

وأنام جنب الحيط

وأنا  مرتاح شبعان

بحلم أكون في بلدي

 ولو نص إنسان

بحلم أعيش في وطن

يعطف على الغلبان

ويمسح دمعة المساكين

يعطف على اليتامى

الغلابة المحرومين

والفقرا والشقيانين

--------------------

 تقرير لمنظمة العمل الدولية

115‏ مليون طفل في العالم  يعملون بمهن خطيرة

الأهرام / 3/7/ 2012/م

‏