هتعجبكو اوووى القصه دى ..

صاحبتها : أه صح نسيت اقولك ان خطيبك بعتلي ادد علي الفيس انا استغربت
هي : ممممم اها كان بيهزر اكيد
صاحبتها : غريبه مع اني لسه عامله الاكونت جديد حتي ملاحقتش اضيفك عندي و كدا ميعرفش اني صحبتك و كمان فتحت لاقت عنده بنات بالهبل ...انا قولت اقولك
يلا هقفل ورايا حاجات كتير
هي: ماشي يا موزتي عادي اكد بيشبه عليكي و البنات دول قرايبه علي زمايله و متقلقيش انا واثقه فيه جدا تبقي اسالي بقي يلا تك كير سلام يا
بيبي
صاحبتها : سلام يا حبي

هي : ايه رايك ف لبس البنت الـــ هناك الــــ انت بتبص عليها دي؟
هو : مين دا ال بيبص لا مآبصتش يا ستي بس البنت موزه اوي و لبسها جامده
هي : عاجبك ؟
هو : عادي يعني انتي سالتي عن رأيي
هي : تحب البس زيها ؟
هو : لالالالالالالالالالالالا دي لبسها اوفر اوي لا طبعا مسمحش ان حد يبصلك
هي : منتا بكدا هتسمح لحد يبصلي لما انت بتبص علي بنات الناس كما تدين تدان
هو : دنا كنت مسحته من علي وش الارض بس عندك حق اوعدك قبل ما ابص علي حد هفتكر جملتك دي....
هي : متحرمش منك يا حبيبى
هي : و مش هطلب منك باس ورد بتاع الفيس ولا الاميل ولا هفتشل ف موبيلك
بس هقولك خد بالك مني في وجودي و عدمه
هو : انتي بتشكي فيا ؟
هي : لا انا عمري ما اشك فيك عشان وافقت عليك من وسط الرجاله دي كلها عشان انا حبيتك وواثقه فيك زي ما واثقه انك عمرك ما هتخليني اندم اني في يوم حبيتك وووافقت عليك صح ؟
هو : صح يا روحي .. أنا اسف ليكي يا احلي حاجة ف حياتى ..
هي : علي ايه يا حبيبي ؟
هو : علي اي حاجه

بعدها بـ يومين ..

صحبتها : أه صح علي فكره خطيبك كنسل الادد ال كان بعتهالي و كمان لاقيته مسح كل البنات ال عنده انتي روحتي قولتيله ولا ايه الواد شكله خاف

هي : ابدا يا بنتي مش قولتلك انا واثقه فيه