الله والنبي ياموت
الله والنبي ياموت بدري بدري .. انكان في عيون عزيز يرخص قدري ..
الله والنبي ياموت هيا ديمه .. خوذيني لظلام القبر ومواهيمه ..
مادام حالتي ناللي دوم سقيمه .. دوم حظي عطيب نا من صغري ..
الله والنبي ياموت هي شيليني .. مادام رحل الغالي هو وانسيني ..
تباعد عدا ايش اللي مخليني .. رحل بدون اسباب نا ماندري ..
الله والنبي ياموت نا وياك .. نا انريد نرحل دوم هي معاك ..
بعد الغالي انساهن اسباب غلاك .. هو السبب في همي وحزني وكدري ..
الله والنبي ياموت اش نبي قاعد .. بعد رحل فرحي بعيد تباعد ..
وتما لصوبي ياناللي جاحد .. اللي مالهم غير المحبه فصدري ..
الله والنبي ياموت هي انعدوا .. راهم تموا بقسوه لغلاك يصدوا ..
ولا ماعندهم بيش علينا يعدوا .. ونا ماني مضطر نقدم عذري ..
الله والنبي ياموت هي غطيني .. تراب قبرك هو اللي ينسيني ..
اجروح غوالي عذبوه كنيني .. انريد انموت بألامي نا وبقدري ..
الله والنبي ياموت بدري بدري .. انكان في عيون عزيز يرخص قدري
نشرت فى 20 مايو 2013
بواسطة Harethmubarak
عدد زيارات الموقع
2,849