جارى التحميل
استخدم زر ESC أو رجوع للعودة
لو مِسافِر خلّي بالَك
خُد معاك كُل الحاجات ..
صُورَه ليها و صُورَه ليهُم
صُورَه مِن كُل إللي فات ..
خُصلتين من شَعر أُختك
ويّا منديل من أبوك ..
طبطبة من قلب أُمَك
ريحة من برفان أخوك ..
بُكرة لمّا تِحِنْ يِمكِن
ييجي وقت وينفعوك ..
لما يبقى الباقي فيهم
بس حبة ذكريات ..
و الحنين يقلق منامك
وسط غُربة ليلها كافِر ..
خُد معاك كُل الحاجات
خُدها ويّاك لو مِسافِر ..
ياااااااااااااااااااااااارب رجعنا سالمين غانمين
تحياتي لكم
عنتر عبدالنعيم ( ابومصطفي )
ساحة النقاش