بابا يا بابا يا بابانويل

عاوز املا البيت مووايل

عاوز بابا حبيبى يقوم

يرجع تانى يابابا نويل

كده عيان من شهرين

ايوه يابابا يابابا نويل

ماما ياعينى زعلها كتير

عماله تدعى ترد آمين

حتى خواتى صغيرين

نفسى الفرح يخش يومين

بيتنا حبيبنا تملى حزين

عارف الاكل يابابا نويل

يعنى المم مش لآقين

غير الاكل مش عاوزين

أوعى تقولى لعبتين

دول حلوين اوعى تقول 

يابابا نويل

بابا يابابا يابابا نويل

خليك عندك مش عاوزين

شفت الفقر يابابا نويل

شفت الدمعه جوه العين

شوف أحلامنا يابابا نويل

شوف أمانينا واصله لفين

نحلم مره ننام واكلين

عمر الحلم ماكان اللحمه

كنا نموت نموت كافرين

أصل اللحمه للقادرين

أمشى يابابا يابابا نويل

خدهداياك مش عاوزين

قال خنزير كمان زمامير

أنته دخيل أنته عميل

عمرك شفت حد يقول

لواحد اهبل وبطرطور

بابا بابا بابانويل

بابا حبيبى بكره يقوم

يطرح بيتنا كمان مواوويل

تفرح ماما تقول حامدين

حتى اخواتى فرحانين

ولا عاوزين بابا نويل

وسانتا كلوزأبدا أبدا

مش هانعوز