تحية من وسط أجواء الغضب

ان شاء الله اللى جاى احسن.... 

ده أنسب وقت للبدء فى تكوين مجموعة تطوير واصلاح ماسبيرو بعد الهجوم القوى اللى اتوجه لماسبيرو فى تغطيته للاحداث اللى فاتت واحدثها ويارب يكون اخرها التحرير  مهم اننا نكون موجودين كمهنيين وعاملين بماسبيرو عشان نظهر ممارسات الادارات العليا فى ماسبيرو ونساهم مع رفاقنا واخواتنا فى التحرير وفي ميادين مصر ومحافظاتها بإصلاح أهم وأخطر جهاز ساهم بادارته  فى ارتكاب ابشع الجرائم فى حق ابناء مصر وشعبها اللي لهم حق في ماسبيرو كمؤسسة عامة ندعوكم تقروا اخر الافكار اللى توصلنا ليها فى الاجتماع بتاعنا اللى كان قبل العيد وتحاولوا تجمعوا عليها اكبر عدد من المهتمين بالتعاون والمشاركة فى الحركة ..واعتقد ان اعدادهم هتكون اكبر الايام دى عن اى وقت فات فقط ابعتو لنا ايميلاتكم ووسائل التواصل معاكم وكمان اي ضغوط نتعرض لها او تهديد مهني يضر بالاداء الاعلامي الموضوعي لاننا مع بعضنا اقوياء وباتحادنا نقدر نعمل حاجات  كمان بندعو الزملاء اللى حضروا معانا من قطاع الاخبار وقطاع الاذاعة بالمشاركة معانا فى كتابة تقرير عن اهم الانتهاكات اللى تعرض لها العاملون فى ماسبيرو الفترة اللى فاتت والضغوط اللى تعرضوا لها فى تغطيتهم للاحداث  الفترة اللى جاية نركز الاهتمام الاعلامى على قضايا ماسبيرو وعايزين نشتغل على تقرير صحفى توثيقى عن كل الضغوط اللى بنتعرض ليها الايام اللى فاتت عشان نكشف ده للراى العام ونضغط فى اتجاه الغاء وزارة الاعلام واقالة كل القيادات الفاسدة ..ووضع خطط جديدة وثورية لتطوير هيكل وفلسفة ادارة الجهازالمطلوب اننا منخافش من الادلاء بشهاداتنا ..وعندنا مجموعة من الحقوقيين  مستعدة للدعم الاعلامى والقانونى الكامل ..لان طرح القضية لا يمكن ييجى الا من خلال كلامنا وشهاداتنا ..وكل ما نركز الضغط الاعلامى والدعم القانونى محدش هيتأذى بشكل كبير ارجوا تردوا بسرعة ..ومحتاجين  نعرف مين اللى هيشارك بشهادته فى التقرير ..لان مهم يطلع فى اسرع وقت وسط سخونة الاحداث عشان التأثير يبقى اكبر ..وياريت كمان لو تعرفوا زملاء تانيين  مستعدين يشاركوا مهم كمان نبتدى نجمع عدد عشان نبدأ ورشة التخطيط لحملتنا بشكل اكبر خلال الايام اللى جاية واليكم تقرير عن اجتماعنا التحضيري للمبادرة ــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــ

مبادرة  ماسبيرو( نطلق عنوانها لاحقا )

استضاف تحالف شركاء التنمية (وهوعدد من منظمات المجتمع المدنى العاملة بمجال التنمية ) مبادرة من عدد من العامليين بإتحاد الإذاعة والتلفزيون  حضرها كل من:-

·        عدد من المهنيين العاملين بماسبيرو (قطاع الإذاعة – قطاع الأخبار)

·        ممثلون عن جمعيات أهلية مهتمة بدعم القضية على المستوى المجتمعى

·        متخصصون فنيون فى مجال الإدارة ومجال الاعلام الجديد والقانون

·        ممثل عن مؤسسة حرية الفكر والتعبير  (للمعلومات عن المؤسسة www.afteegypt.org )

كبداية لتنظيم حركة تهدف الى دعم أصوات التغيير الموضوعى داخل الاتحاد بعد الثورة ، ورغبة فى طرح قضية اصلاح ماسبيرو فى مجال اوسع أفقا من مجرد الاصلاح المادى ورفع الأجور التى كان لها الصوت الأقوى فى ماسبيرو الفترة السابقة على غرارالكثير من الشركات والمصانع والوزارات والهيئات المختلفة  رغم اهمية هذا المطلب وشرعيته ، وإيمانا بأهمية تشبيك جهود نشطاء المجتمع المدنى والمهتمين بقضايا اصلاح أوضاع ماسبيرو مع جهود وحركة منظمة من العامليين والمهنيين من داخل ماسبيرو لتحقيق أثر أوسع وأقوى فى الفترة القادمة .

أهم الأفكار التى تم بلورتها بشكل مبدئى كخطط استراتيجية يجب العمل عليها بشكل متوازى:-

·        إقالة  قيادات ماسبيرو الفاسدة والمتورطة فى جرائم النظام القديم هام وضرورى ، ولكن مع الوضع فى الاعتبار أنه ليس الحل الوحيد للاصلاح والتغيير ويجب العمل على اصلاح منظومة وهيكلة الادارة وذلك لن يتم الا بالخطوات التالية .

·        العمل على الغاء وزارة الاعلام بحيث لا يصبح ماسبيرو ممثلا لصوت "النظام الحاكم" أيا كان ، بقدر ما هو جهاز اعلامى قومى ملك للشعب المصرى ، وذلك من خلال أن يتحكم فى ادارته ووضع خطه الاستراتيجى والسياسى بعيد المدى مجلس أمناء يتم تحديده بآلية ديمقراطية شفافة

·        تعيين واختيار القيادات الادارية العليا والوسيطة والقاعدية يجب ان يتم وفق معايير ومقاييس موضوعية و محددة ودقيقة ومعلنة .

·        تطوير التشريعات الناظمة ولوائح نظام العمل الداخلى التى تنظم سلطات وعلاقات العمل ومعايير التقييم المهنى

·        تبنى قيم مؤسسية جديدة تدعم التدريب والتطوير المهنى للعاملين بالمبنى على أسس منهجية   

·        إعادة توزيع الموارد وتحديد حد أدنى وحد أقصى للأجور ، والسعى من أجل موازنات مالية شفافة ومعلنة ودورية ويملك حق الاطلاع عليها كل العاملين والمجتمع المصرى بشكل عام .

أهم الخطوات التى تم الإتفاق عليها كبداية لبناء حملة :-

1.     كتابة وبلورة وثيقة رؤية للمجموعة حول محاور عملها فى سبيل تحقيق الهدف

2.     بناء وتجميع القوى وذلك من خلال عدد من المستويات :

·        كسب عدد أكبر من العاملين داخل ماسبيرو للمجموعة

·        التشبيك مع منظمات وافراد معنية بالهدف من خارج ماسبيرو

·        جمع أكبر ما يمكن من المعلومات والبيانات والمعارف اللازمة لادارة الحملة

·        صياغة مشروعات قوانين ولوائح بديلة

3.     ورشة عمل لرسم خطة عمل المجموعة خلال الفترة القادمة (الرؤية –الاهداف –اليات وادوات التنفيذ...إلخ)

ايميل المجموعة   [email protected]  

رقم الموبايل للتواصل 01145007801

--