أعربت الإعلامية ريهام سعيد عن حزنها الشديد للقرار الذي صدر ضدها بالحبس سنة ونصف وغرامة 10 ألالف جنيه، بتهمة السب والتشهير بالقضية المعروفه إعلاميا "بفتاة المول". ونشرت ريهام تدوينة عبر حسابها الشخصي على موقع التواصل الاجتماعي "فيسبوك"، وعلقت عليها :"النهارده بلدي كرمتني.. بعد 13 سنة بعالج كل الناس وبخدم كل اللي حواليه، بعد 12 سنة فتحت مدرسة لذوي الاحتياجات الخاصة وعالجت آلاف الأطفال بفضل الله، مانمتش وماكلتش حتى فلوس والله ما أخدت.. ضيعت عمري عشان أعمل حاجة للبلد دي، ضيعت حلم التمثيل اللي تعبت في الجامعة فيه عشان ماسيبش الناس الغلابة". وأضافت ريهام، "كما ذكرت صحيفة الوطن كنت ماشية عكس التيار عشان أقول الحق، أخدت النهاردة سنة ونص سجن، كنت بلف العالم أدور على علاجات جديدة للناس الغلابة، وعمري ما قصدت ولا حاولت أشهر بحد.. الإعلام مافهوش حاجة اسمها ستر مع اني ماتكلمتش لحد دلوقتي.. ساعات الحقيقة بتكون فضيحة". وتابعت حديثها "كل الناس اللي بتغلط وتشتم وتشهر بجد نجوم دلوقتي! المحامي بيقولي ده أمر من فوق.. فوق فين؟ كنت بقول (تحيا مصر) ويحيا العدل فين العدل؟.. ريهام سعيد مجرمة لكن مرتضى مثلا عمره ما شهّر بحد.. خسارة يا بلدي، خسارة مجهودي.. خسارة يا مصر".