ازاى تخلى جوزك يمووووت فيكى ؟

بصى بقى يا ستى

أنا مش هكلمك باللغة العربية الفصحى المكلكعة دى لأ انا هكلمك بالبلدى

لو عايزه فعلا تكونى اجمل واحده فى نظر جوزك او خطيبك او حتى الشخص الى مرتبطه بيه

لازم تعملى شويه حاجات


منها : اهتمى بنفسك شوية وحطى شوية مكياج وبرفان والبسى لبس حلو اما يجى من الشغل
مش كانوا شوية اول الجواز بس

اعدى دلعية يا حبيبى ويا قلبى ويا عمرى ويا ابو محمد
انت الى لية فى الدنيا يعنى شوية حاجات من دى

يكون هو احسن شخص فى الدنيا كلها بالنسبه ليكى

متبينيش قدامه خالص ان فى شخص تانى ممكن يلفت نظرك حتى لو كان فنان فى التليفزيون
مش تبقوا تتفرجوا على مهند تقوليله شفت عنيه عسل ولا بياضه وجوزك قمحى يبقى ضغطى على الوتر الحساس

يكون هو دنيتك كلها ويكون هو محط نظرك على طول واهتمامك كمان
يعنى اما يجى خارج لبسية وحطيلة برفان واهتمى بلبسه وحاجته مش يقولك مكوتيش القميص لية
تقوليله اكوى انت

حسسيه ان مفيش زيه فى الدنيا كلها حتى لو فيه عيوب الدنيا 
حسسيه انه عنتر زمانه و ان الرجاله اللى فى الدنيا كلها ماتت الا هو بس

متحوليش تواجهيه قدام حد ابداااااااااااااااااااااا مش تبقى حماتك عندك وتزعقيلة يبقى هتاخدى على دماغك بالجزمة

متوجهلوش كلام بصيغه امر قدام اى مخلوق حتى لو كان ده العادى بتاعكم و لو اتحطيتى فى موقف ضرورى اوى
قوليله مثلا معلش يا حبيبى ممكن تعملى حاجة؟ كدة يعنى مش روح اعمل كذا

حسسيه قدام الناس ان الكلمه كلمته وان الشوره شورته حتى لو كان الوضع غير كده

ملحوظه هاااااااااااااااامه جدا:اوعى تصغرى جوزك او خطيبك او الانسان الى بتحبيه ومرتبطه بيه قدام اى مخلوق لان كرامته من كرامتك

نصيحة :

اذا سمحتى لقلبك ان يحب فيجب ان تتخلى عن كرامتك



محدش يقرا ويمشى و يعمل نفسه مخدش باله

لأ لازم تنفذى كل اللى قولتلك عليه