جارى التحميل
استخدم زر ESC أو رجوع للعودة
* ((**مجرد صوره **))
** ** **
مجرد صوره رسمتها
وعايزني أبقى صوره منها
هيا دي اللي قلبك حبها
وابقي خيال أنا وقتها
وأعيش معاك ضلها
أنا فين بقى شخصيتي؟
عايزني أغير هويتي
وتخرجني من حياتي ودنيتي
وابقى صوره منها
كدا هتحبني وقتها
لا ياحبيبي أنا واقع مش خيال
عايزني أتغيرعشان صوره فى الخيال
انا كدا وتغيري م المحال
عايزني أغير شكلي وصورتي والملامح
ياربتك ياحبيبي تكون شايفني ولامح
إني حقيقه وواقع
ليه عايزني اكون مسجونه وانت السجان
ليه مايكونش لي شخصيه وليا كيان
ليه ماكونشي ورده جميله وانت البستان
شويه شويه كل ملامحك لى بتبان
هو دا فعلا طبع الإنسان؟؟
إسمع لما أقولك
ماتطلبش مني التغير
أصل دا فعلا شيئ خطير
وعليا دا يبقى كتير
ووقتها منك أنا ممكن أطير
أنا ياحبيبي واقع مش خيال
وتغيري طبعا م المحال
...............................................فاطمه عبد الشافي
المصدر: مجرد صوره// بقلم الشاعرة// فاطمة عبد الشافى
