🌿🌿رسائلي لأمي 🌿🌿
بقلم الشاعرة شيرين قزامل 
🌿🌿🌿🌿🌿🌿🌿🌿🌿
           💞💞💞💞
خبروها في يوم ميلادها 
انها رحمة لولادها 
ترضى عنهم يرضى ربي 
والنتيجة جنة ونعيمها 
حلفوها بالغوالي 
اللي كانوا عايشين مابينا 
اللي راحوا من عالمنا 
بلاش غضبها 
ده فيه دمارنا ودمار حياتنا 
الامومه مش ساهلة ابدا 
ساعات بنعصى وساعات بنقسى.                                              وساعات نغتر بشبابنا 
والام دايما ترحم تسامح 
تغفر ذلات ولادها 
امي يا روحي 
لو تعرفي مقدار جروحي 
وقت زعلك اد ايه 
نار بتكوي شريان في قلبي 
ونفسي اقولك سماح يا امي 
لكن عنادي وكبريائي 
دايما كان أقوى مني 
خبروها في يوم ميلادها 
عن حناني واشتياقي 
في وقت حزني 
لضمة من ضلوعها 
خبروها اني عايشه بدعوة منها 
ان حبي مخلوق عشانها 
قسما بربي مخلوق عشانها 
هي امي هي سندي هي اختي 
هي الفرحة اللي في عيوني 
هي النور اللي في طريقي 
هي الدم اللي في وريدي 
يصونها ربي ويحميها ليا 
خبروها في يوم ميلادها 
اني بتمنى رضاها 
وعمري ما اتمنيت فراقها 
خبروها عن لساني 
الحياه من غير وجودها 
صعبه قاسيه 
بتخنق شبابي وتهد فيا 
نفسي ابكي جوه منك 
يا اللي عمري حته منك 
نفسي اقولك ان بنتك 
نفسها ترجع لحضنك 
نفسها تبوس ايديكي 
نفسها تعيد عليكي 
ايوه نفسي أعيد عليكي 
كل عام وانتي بالف خير يا امي
🌿🌿🌿🌿🌿🌿🌿🌿🌿🌿🌿
بقلم 
شيرين قزامل (( مصر ))
2018 / 3 / 20