( يا ملوعنى فى حبك ياما )
غنائى
=====
يا ملوعنى فى حبك ياما
يا مسمعنى كثير ملامة
امتى يحن القلب عليا
وامتى عنيك متشفش غيامة
امتى تجيلى وترجع ليا
دا انا بتمنى تعود بسلامة
عطشان قلبى للحنية
وليك جواه كثير مكانة
مين يا حبيبى حبك قدى
وانا على الشوك علشانك اعدى
واسمع من اللى حبوك قبلى
القى ان انا فى هواك تعبانة
قابلة الهجر وقابل القسوة
قابلة كلام يمكن فيه خبرة
قابلة كثير وياك و صبره
الا ان يكون بينا خيانة
يا ملوعنى فى حبك ياما
يا مسمعنى كثير ملامة
من احباب ومن عزال
صابرة واقول يرجع بسلامة
يجى الليل القانى لوحدى
فى بحر الفكر كثير غرقانة
وكل ما احاول منه اعدى
قلبى يقول طب ليه رمانا
قابلة الهجر وقابلة القسوة
قابلة كلام يمكن فيه خبرة
قابلة كثير وياك صبره
الا ان يكون بينا خيانة
بقلم محمد البلاط