بسم الله الرحمن الرحيم
بيزنس مان مصري !!!
( بيزنس مان يعني رجل أعمال ، إنهم رجال الأعمال المصريين ، المفترض فيهم أنهم رجال ، وما هم برجال حقيقيين ، لأنهم لم يقفوا بجانب مصر في محنتها بعد القيام بثورتين في زمن قياسي
2011م ....... 2013 م وتركوها تعيش علي المعونات والمساعدات
من أشقائها في الخليج العربي مشكورين .
هؤلاء أقزام الأعمال أعطتهم مصر الكثير ، وقاموا هم بمنتهي الانحطاط والسفالة باغتصاب أراضيها في عهد الديكتاتور مبارك البائد ، لقد سرقوا قوت الشعب المحروم ، ولابد من محاسبة هؤلاء الخونة ومصادرة نصف ثرواتهم ( علي الأقل) لصالح الشعب المصري المطحون ، بل ويجب إسقاط الجنسية المصرية عنهم لأنهم لا يستحقونها ، هؤلاء الملاعين باعوا مصر رخيصة في سوق النخاسة !!!
انظروا إلي الملايين من أطفال الشوارع اليتامى المساكين ، هل فكر رجل أعمال مصري واحد (( محترم)) في مساعدتهم والعطف عليهم؟!!... هل فعل واحداً منهم مثلما فعل العظيم بيل جيتس الذي تبرع (( بكل )) ثروته للمساكين في أفريقيا السوداء المنكوبة بحكامها ؟!... بالطبع لا !!! لأنهم مصريين للأسف والقرف الشديدين !!!!!!!!!!!!!!!!!!!!!!!!!!!!!!!!!!!!!!!!!!!!!
كلمات / أحمد عبد اللطيف النجار
شاعر أم الدنيا
آه يا بلدي ..... آه يا بلدي
آه يا بلدي .....
لما فيكي يتعرى ولدي ..
وانت فيكي خير كتير
يسرقوه العصافير ..
ويبيعوا لنا الحمير ..
ويقولوا لنا دي لحمة بلدي !!
آه يا بلدي .... آه يا بلدي
فين رجال أعمالك يا بلدي ؟!
اللي سرقوا عمر ولدي !
واللي خانوا الشعب كله
وباعوا مصانعك يا بلدى !
نفسي أشوف رجال بلادنا
يحققوا أحلام ولادنا
يعطوهم ذى ما أخذوا ..
كل قوتنا ، وكل زادنا
عمرى ما شوفت ...
بيزنس مان ...
فيكي يا بلدي إنسان ..
يعطف علي مسكين ..
أو غلبان ...
ويخصص في مصانعه مكان
لشباب بلادي العطلان !!
أو ساهم في فتح ميدان
ونظافة حي وسكان
أو تطوير مدرسة لأولادنا
أو ساهم في علاج عيان !
بيزنس مان بدلنا أناني ..
شايف الشعب كتير بيعاني
وإن طالبه الناس بمساهمة
يتهرب منهم في ثواني !!
بيزنس مان المصري عجيب
كان في عهد مبارك رهيب
يتولى حكومة ويديرها ...
لحسابه الشخصى ويخيب !!
نهب من مصر أراضيها
ولا همه أبدا يرضيها ..
كان همه بس يخليها
عاجزة في حاضرها وماضيها !
شوفتي يا بلدي رجال أعمالك
اللي سرقوا كل أموالك
واتغازلوا في روحك ودلالك
والله حرامهم يبقي حلالك !!
ولا نترك شعبك في مهالك !!!
بيزنس مان زمان أصيل
أحمد عثمان ابن النيل
في كل مكان شاهد ودليل
كان راجل ما لوش مثيل !
دلوقتي رجال أعمالنا
زادت ثرواتهم من مالنا
ولما ضاقت بينا الدنيا
قلنا نستفسر وسألنا
فين دور بهوات أعمالنا ؟!!
قالوا آسفين إحنا مالنا !!!
شوفوا مصانعهم في العاشر
يعطوا العامل نص حقوقه !!
وإذا تجرأ ، قال مظلوم ..
يتشرد من فجر شروقه !
والدولة تعطيهم امتيازات
وأراضي ساقعة وحاجات !!
مصانعهم كلها معفية ...
من أي ضريبة وحجوزات !
ويكون رد جميلنا عليهم..
قلة أصل وقلة ذات !!!!
البني آدم منهم أسطورة
ليه كام فيللا وكام مقصورة
وأراضي كتير في المعمورة
ولما مصر تنادي عليهم
يقولوا لها ظروفنا معذورة !!
يبقي أحسن نعمل قوانين
ونكون فيها مش ظالمين
نصادر نصف ثرواتهم ..
لصالح الشعب المسكين
ونسدد ديون بلدنا ..
ونشيّد صناعة لأولادنا
علشان ترجع أمجادنا
ونقول إحنا المصريين
ونقول إحنا المصريين
ونقول إحنا المصريين !!!
أحمد عبد اللطيف النجار
شاعر أم الدنيا
