يا جمال
ـــــــــــ
أأدى التحيه و اناصر ف ناصر و احيى جمال
و ياخدوا عينيا ما اشوف زى ناصر ف كل الرجال
يا جامع معانا بلاد العروبه و مخيب آمال
جميع اللى ظلموا و مالوا علينا و قالوا عيال
و قولى يا ثومه و عيدى و زيدى و حيى جمال
و يا عندليبى و توبه حبيبى دموعك يا عبده تهد الجبال
لكن م احلى صوتك زمان قبل موتك تقول يا جمال
كفايه علينا مرجع إلينا قنال السويس
و سدك منور من اسكندريه لمنبع هاميس
و مهما راح اكتب و احَضَر و اغَيـِب
حروفى سيوفى تطول المحال
ما هاقدر اوفى و كلامى ما يكفى جمايل جمال
و من كل قلبى راح أدعى لربى يحق المحال
و ينصر بلدنا و جيشنا حبيبنا و زينة الرجال
و انا و كل عربى ف شرقى و غربى
نقف صف واحد يهز الجبال
و ندى التحيه لمصر الأبيه نقولها قويه لكل الرجال
يعيش فينا إسمك
و صورتك و رسمك
يا نسر العروبه تعيش يا جمال
تعيش يا جمال تعيش يا جمال
ـــــــــــــــــــــ
رءوف حجر

 

المصدر: بقلم الشاعر// رءوف حجر// يا جمال
  • Currently 0/5 Stars.
  • 1 2 3 4 5
0 تصويتات / 57 مشاهدة
نشرت فى 24 يوليو 2016 بواسطة Cleobatra

عدد زيارات الموقع

55,670