حط ف عينك حصوة ملح 
ياللى يوماتى بتسرح سرح 
والناس قالوا عليك كداب 
وحكايتك زفت وهباب
ويوماتى تدخل ع النت 
تتمرقع وتقول أنا بنت 
نفسك تضحك ع البنات 
وتحكى معاهم بالساعات
ويآمنولك على اسرارهم 
وترجع فى الآخر تساومهم 
وإيه رأيكو ياشباب فى الصوره
مش بردو حلوه وأموره 
ويخشوا عليك ألف وميه 
وتعليقات معظمها غبيه 
إللى يشتم واللى يسب 
واللى نفسه فى حالة حب
ونحس كأن الفيس صايم 
ومتغطى فى سريرو ونايم 
وأول مسيادتك بتصبح 
كله يقوم م النوم ويصحصح 
شباب بالجنس مهووس 
وماما بتديلو فلوس
ياعم قوم شوفلك شغلانه
أهلك م الناس الشقيانه 
بيشوفوا المر عشان تصرف 
وعمايلك تكسف وبتقرف
إعقل بقى والنبى يا حماده 
وبلاش تسمى نفسك غاده
وبطل بقى بالعالم تسرح 
مبقاش ليك وسطينا مطرح
منير خاطر

 

المصدر: بقلم الشاعر// منير خاطر// حط ف عينك حصوة ملح
  • Currently 0/5 Stars.
  • 1 2 3 4 5
0 تصويتات / 380 مشاهدة
نشرت فى 13 يونيو 2016 بواسطة Cleobatra

عدد زيارات الموقع

55,653