نفس القلق
**********
وسط الورق جوة الكتاب فيها اللى داب واللى  إتحرق
وسط الورق قلب الدروب نفس الغروب شمس وقمر بينهم سبق
وسط الورق قلب الحياة طوق النجاة اللى رمانى فى مفترق
وسط الورق نفس الخطوط نفس الخيوط نفس  الغرق
وسط الورق نفس الضباب نفس السحاب اللى إنطلق
وسط الورق نفس البشر بقلوب حجر نفس الضمير اللى إتسرق
وسط الورق حالة سراب نفس الغياب  ولاشئ فرق
وسط الورق شهد ومرار غدر وحصار والخوف نطق
نفس الورق نفس الرتوش نفس الوشوش نفس القلق
محمد سالم