مش مهم تبقى عايش 
المهم تبقى حي 
اوعى تبقى ع الهوامش
للي رايح واللي جاي 
المهم تبقى بدر 
في الظلام تبقى ضي 
كلمة حلوة فيها سحر 
تبقى وقت العتمة فجر 
تبقى ضل وقت حر
تبقى نسمة وقت شرد 
المهم تبقى شي
مش مهم يوم تجوع 
المهم تبقى طوع
تبقى غنوة هادية 
في الحواري وف الربوع
تبقى شمس حلوة صافية 
فرحانه .....بالسطوع 
تبقى انت هو انت 
مش تكون مثل زي 
تبقى زي ماية صافية 
للظمأ تبقى ري
المهم تبقى رحمة
تبقى نور وسط زحمة 
للي رايح واللي جاي 
تبقى عارف انت أيه 
مش عايش بس عايش 
زي ثور جوة غي 
تقرا اسمك جوا نجمك 
تقرا حالك جوا علمك 
تعرف مين اللي كي 
كي تكون سابق أوانك
تبقى طاير ع السحاب 
أوعى تلمس الضباب
 كي تكون دايما شباب 
مهما تكبر تبقى جاي 
مش مهم تبقى عايش 
#المهم_تبقى_حي 
#ابراهيم_بدر