ياللي ماشي أبقى نادي
ع القمر وقوله يفرح
قوله ضيك من بلادي
قوله مصر غالية عندي
هي نبضي وهيا دمي
هي لحن..... للغناوي
هي فرحة ياللي غاوي
هيا للعامل...... حياته
وهيا للفلاح .....تقاوي 
ابقى سلم ع المساجد
ع اللي راكع واللي ساجد
عمري م أكبر يوم عليها
لو بعدت مش.. ناسيها
دمي للرمل اللي راوي
فوق جبين النصر اكتب 
التاريخ عمره م   يكدب
أي غازي فيها ....يندب
د التاريخ بيقول حكاوي 
يوم قادش أنا كنت رمحك 
في الظلام أنا ياما صبحك
في الشدايد برضه بضحك
اصلي للجروح..... بداوي
ابراهيم بدر عبدالله