ياعم سكر خف شوية!!..     عمال تعلا وتقسي عليه..      ولا بتخاف.. من حقنه تشكشك..      ولا دكتور بيزعق في.   تقولش انا جايبك من ديلك..       ولا انا روحت برجلي أجيلك؟!      دانت لازق لي ذي اللزقة.. وبدعي عليك عمري مابدعيلك..    كان يوم أسود يوم ماعرفتك..     يوم ماوصلت لجسمي وشيلتك..     قالوا ده داء مزمن وتصاحبه..     يخرب بيت ام معرفتك.     ياللي حارمني الحب كنافه..   ولا زلابيه تكون بلطافه..     ولا هريسه وشاربة قطافة..     يخرب بيت امك ياسخافه!!..     ولا الرز مع المكرونه..         ويكون فوقهم قوطة مجنونه..     ولا الكشري وحطه يابطه..       وتحتها كبسةصناعة مصونه!!..   حرام عليك طب سبني شوية..       بوظت أخلاقي العلاجية..        لا أنسولين نافع ولا مية..        من الحقن جايبة شفائيه!!       أخص عليك عيا نطع وبايخ!!. .      خليت شكلي كبير علي شايخ!!     وساعات تهبط وأكون سايخ..     واما بتعلي بكون أنا دايخ!! ..  هي دي دعوة ولزقت في..؟!     ياعم سكر خف شوية.. وبطل تعلا وتقسي علي..!!!!.                          تحياتي ودعواتكم بالشفاء من السكر أبن......... ولا بلاش.. لأبو سكر يزعل.. ههههههههه            الشاعر والمؤلف :                             
                              حسن عمران.  29/4/2016.