حلم حاك في الصدور سيلازمنا حتي صمت القبور
@@@وحلمت يا ناس@@@
         .............................
وحلمت يا ناس أنى أعيش ذى الطير حر..........
لا شلوت بيه يكعبلنى ولا مخبر يشد فيه ويجر
وقلت لنفسى يا واد بكره تدوق العسل والشهد بعد المر........
وتشوف شجرة الجميز الناشفة طارحة ياقوت ودر
ولما أشوف جزم البهوات فى الشارع لا أجرى ولا أطير.......
ولا أخاف من جزمة بيه تدوسنى ولا حتي جزمة غفير
وحلمت يا ناس والحلم جوايا أتوجد...........
مكنش على الهامش ومكنش كمالة عدد
وحلمى كان جنين مات قبل ما يتولد........  ....
ما احنا يا ناس عبيد والبهوات سياد البلد
وحلمت ياناس أنى يوم ها أكون في بلدي أنسان..........
لى مركز ولى قيمة ولى كيان
لا ها انزل تانى فى بلدى.......
 ولا كرامتى تتهان
ماهو خلاص صنم البيه الي كنا بنعبده..........
ها نثور ونحطمه ولا نقدم ليه تانى قربان
ولا عاد فيه قطط ولا عدنا أحنا فيران...........
ولا صوت يزعق فيا لما أتكلم ويقلى أسكت يا حيوان
وحلمت يا ناس أنى أبات فى يوم شبعان........
وأصلب علي باب بيتنا الخوف والحرمان
ما هو البيه خطف رغيفى وأستكتر على قميصى........
موش مهم أنا انام جعان
ما دام البيه لابس .وعلى نفوسنا كابس...........
 موش مهم انا أقضى الشتا عريان
وحلمت أني أشوف سنابل القمح طارحة سبايك دهب وياقوت ومرجان.......
وأشوف شجرة السنط  طارحة عناقيد عنب وتين ورمان
واشوف الوز عايم فى ترعة بلدنا محناى بالمسك والطيب والزعفران....... 
وحلمت يا ناس أنى حاجة كببرة هاأكون.....
لا حد يسرقنى. ولا حد يخدعنى.ولا حد يخون
ولا يتحكم فينا طاغوت ولا فرعون.....
 وبكره أتلمع وأتمكيج ذى بتوع التليفيزيون
مرسوم ومتغندر بالجاكت والبنطلون.......
ونضارة شيك ومحمول ايفون
وأخرج عفريت القمقم ليه زمن  مسجون.....
أتارى يا ناس ال عاقلين فى بلدنا تسعين مليون
وأنا ال فيكى يا بلد بحلمى مجنون
...........................................
@@@خواطر شاعر /وقلم حائر
بقلم/عبدالسيد عبدالفتاح
(الثلاثاء. 2016/4/26)