اللي راح م العمر مش محسوب
غير اللى قدام .....عينكِ
أنا العاصي.. ورافض أتوب
لو الجنه حنه فى إيديكِ
ربك .....دا رب قلوب  
والمحنه مش لايقه عليكِ
كله ف اللوح قدر مكتوب
غصب عنك ولاكان يرضيكِ
أنا شلت الغشاوه..مش معصوب
فوقي من نعاسك وغفلتك
انا شربت المرار مغصوب
معدتش محسوب ع محبتك
من قال عليا ......مغضوب
وففاتحة كتاب مذكور تراتيلك
فى هواكي مش مسيح مصلوب
أقوم من رقدتي ... وأجيلك
هواكي ف الاصل ملعوب
والحظ بلا حساب عاطيلك
كرهت تمثلية المحبوب
وترتيبي معرفوش ف مهابيلك
حنيني ليكى سيل صبح سرسوب
جف منبعى قصاد تعاتيرك
الموضوع  بالاصل قارينه بالمقلوب
المفروض م البدايه انى اسيبك 
مش بدور واجيب ف عيوب
العيب اصلا ماسك بتلابيبك
أنا.....مش.......آيوووووب
أموت وأسمى دا كان حبيبك
فوقي وبزياده...متترجيش
فى الاصل شايفك..حيه
يمّ قلبي تانى ..متجيش
ميته..كنتى فيه حيه
حبك سراب..لعطشي ميرويش
وماكونتيش للقلب ريّه
أنا مفارق دروب ماساعونيش
ورافع ليكى أسود رايه
بالختام.. حبك رخيص ميلزمنيش
راح أقتله فى القلب بلا ديه
شبح بعادك ..مخوفنيش
وسكنت موت حبك ..ضي عنيه