عالمنا عالم بالالوان
وكل لون علي شكل
نسانا خير زمان
وأخدنا منه عقل ..
عقل مشحون مشاكل
وكمان مش مستقر
علي طول دايما متواكل
افكاره سٍم  و مٌر ..
بيفكر في الآذيه
والخدعه تبقي خفيه
مش مهم في مين وليه
الاهم يكون في ضحيه..
الحب مش في بالووو
ومشاعره كمان مافيش
بيريح كده في دماغووو
ويقول بس .. نعيش ..
مبدأهم أكله  وهدمه
وفلوس ماليه الجيب
والطيب دا  ملوش لازمه
بتاع الحلال  والعيب ..
عالمنا عالم بتاع مظاهر
والنفاق بقي طبع وسمه فيه
وكل اللي كان شًريف وطاهر
من كتر ماشافو  اتقلبو  عليه ..
شافو  المباني بتعلي
والبنوك اتملت فلوس
وهما سبحان الاعلي
محلك سر ..
وهما لصوص..
في عالمنا الفقير ضايع
والغني سيد الناس
والهم ع الشقيان راجع
ومافيش دعوه بإخلاص..
شبابنا ضاعت ملهاش راجعه
وكل اللي شاغلهم الدخان
كل ليله سهره  ولمه وحاجات فاضيه
لحد ماهانوو  كلمة انسان..
في عالمنا..
ماهر البساطي..