الشاعر المصري / احمد ابراهيم
********************************
فى قصيدة / ( رصيف الذكريات )
*******************************
فوق رصيف الذكريات
بكتب على ورقة ألم
فيها ماضي عدي فات
واحكايات مالهاش عدد
فيها شمس مغرّبه
بين الحدود بسمة صبا متفرقه
وتايها ما بين الشطوط
فيها ايد متقيدة والنبض صارخ م الاهات
والسطر باكى والقلم
يا حلم عمري اللى اتحرق
فوق الرصيف فينك يا طيف
الفرح فينك برسمك
بندهك مشتاق لنظرة
عمر طارح بالآمل
مشتاق اعيش واخرج انا من ده الزمن
ابعد بعيد ومشوفشي مجروح بالآلم
يبكي على حلمه البرئ اللى اتسرق
واللى ظلّم انسان مالوش احساس
ولا قلبه فى يوم حس الالم
ده قلبه مخلوق من صنّم
دنيا غريبه ومتعبه
والفرحه فيها مغرّبه
وفيها حبل المشنقه
متشوقه روحي تغيب
وابعد اغيب عن ده الزمن
واسكن واعيش بين الفضا
ماسمعشي يوم صرخة برئ
محكوم عليه والحكم حبل المشنقه
عصفور وسابح ف الفضا
عصفور يرتل بالاغاني جواه امانى
وحلم في صوته وواصل ع المدي
كان نفسي اكون عصفور محلّق فى الفضا
كان نفسي اعبر من رصيف الذكريات
كان نفسي اكون عصفور طاليق
ولا يوم ايديه متقيدة
وهو ده كان حلم عمري اللى انتهى
فوق رصيف الذكريات
فوق رصيف الذكريات
***********************
بقلم الشاعر المصري / احمد ابراهيم