خطوات تعليم فن المكياج من الالف للياء " وماركات الى مفروض نستخدمها عشان بشرتنا ما تضرش

عشان تتعلموا معى خطوات المكياج من الألف للياء بالصور والفيديو + المكياج اللبنانى يتميز بقمة الرقة والشياكة والهدوء 

المكياج الخليجى يتميز بانه صارخ والوانه فاقعة وغريبة + 

المكياج الاوروبى يتميز بانه يظهرك طبيعية جداااااا وهادىء جدااااااا وطفولى + المكياج الدخانى وهو يعتمد على الالوان البنى ومشتاقتها 

وافضل انواع الماكياج كمان

وكونى خبيرة تجميل لنفسك

نصيحة هامة اثناء تعليم خطوات فن المكياج

اهم حاجة عشان تتعلمى خطوات فن المكياج التطبيق يعنى انتى مش حتروحى لمكان يعلمك عملى لا ده انتى حتتعلمية بنفسك من عالنت يعنى اى خطوة بقولها تستوعبيها كويس وتشوفى خطواتها ازاى وتروحى على طول تطبقيها امام المرأة عشان بدون التطبيق حيبقى الموضوع زى قلته حببتى متفقين على كده

تعالوا يالا نبتدى ونقول بسم الله الرحمن الرحيم

بدائيات واساسيات فن تعليم المكياج

اولا فرش المكياج 

حتلاقيها فى محلات مستحضرات التجميل 

او 

اى كوافير لان فى كوافيرات بتجيب الحاجات دى وبتبيعها

1- لازم يكون عندك فرش المكياج

وفى منها 24 و 12 

انتى تجيبى 12 عشان للاستخدام الشخصى ولوحتشترى 24 لو حتخدى الموضوع ده هواية وتكونى makpe artist

انواع و استخدامات فرش المكياج 

1- فرشة توزيع كريم الاساس

بتضعى كريم الاساس على بشرتك وعلى بشرة نظيفة وزى الفل 

ثم تمررى وتوزعى كريم الاساس على بشرتك باستخدام الفرشة دى او ممكن باصابعك

2- فرشة الكونسيلر لاخفاء العيوب 

بتضعى وتمسحى جانب الفرشة فى الكونسيلر ثم بتضعيها عالمكان اللى انتى عايزة تخفى العيب فيه وتوزعي كويس الكونسيلر بالفرشة

3- فرشاة البلاشر

الفرشة العادية اللى بنستخدمها لاحمر الخدود الموجودة عندك

والبلاشر هو احمر الخدود تغمسيها فى احمر الخدود وتضعيها على عظمة الخد وشوية من احمر الخدود عالقورة والذقن

وانتى بتضعى احمر الخدود تضحكى شوية عشان تعرفى عظمة الخد

4-فرشة الايشادوا

فى منها الحجم الكبير والصغير 

الحجم الكبير لتوزيع الايشادوا على كامل الجفن المتحرك 

الحجم الصغير لتوزيع الايشادوا على كامل قوس الجفن المتحرك

5- اسفنجة الايشادوا

وهى عبارة عن يد وفى اخر اليد زى قطعة صغيرة من الاسفنج 

وتستخدم

لتوزيع الايشادوا عالجفن العين وممكن تحديد الايشادوا بها عقوس الجفن المتحرك وفى الحلقات القادمة حنعرف 

ايه هو الجفن المتحرك وقوس الجفن المتحرك

6- فرشة دمج الايشادوا وتستخدميها عند دمج لونين او اكثر عالجفن 

بالشكل ده

7- فرشة توزيع الايشادوا ودمج الوان الايشادوا تحت الرموش السفلى

8- فرشة توزيع الالوان الفاتحة تحت عظمة الحاجب

9- فرشة لتحديد الايشادوا تحت الرموش السفلى ولتحديد الحواجب بالايشادوا

10- فرشاة توزيع الايلينر والكحل السائل للعين لتصبح واسعة 

على خط الرموش العليا والسفلى

11- فرشاة ازالة الفائض

طبعا وانتى بتستخدمى المكياج بيبقى فى زيادة لازالة الزيادة دى تستخدمى الفرشة دى

12- فرشة تحديد الزاوية الخارجية للعين

لتصبح العين واسعة

13- فرشة الحواجب والرموش

وهى نحيتين الناحية الاولى للحواجب والناحية الثانية زى مشط رفيع للرموش

وهى عشان تسرحى الحواجب والرموش لتصبح مهندمة

عند شراء فرش المكياج لازم تكون الفرش شعرها ناعم 

وافضل فرش المكياج فرش ماك وفرش فور ايفر

ملحوظة هامة

تنظيف فرش المكياج مرة بالاسبوع عليكى القيام بالاتى

لازم عند استخدام الفرش تكون نظيفة ومش فيها اى بقايا من المكياج 

1- احضار وعاء به ماء دافىء ووضع فيه ملعقة من اى شامبو و 4 قطرات من زيت الشاى الاخضر من عند العطار بيكون موجود 

2- غمس كل فرشة فى الوعاء ده لمدة 30 ثانيه ثم مسح الفرش باى فوطة 

3- ترك الفرش لتجف ثم وضعها فى الشنطة الخاصة بها

بعد كل استخدام للفرش مسحها بالمناديل المبللة للاطفال لتكون نظيفة اول باول

ثانيا الألوان اللى لازم تكون عندك كمبتدئة

الايشادوا 

اللون الابيض 

اللون الاسود 

اللون البنى ومشتقاته 

اللون الرصاصى الفاتح والغامق

ممكن تجيبى كمبتدئة علبة بها جميع الوان الايشادوا

عشان لو احتجتى اى لون تلاقى عندك

الروج 

اللون الروز 

اللون البنى الفاتح

البلاشر ( احمر الخدود ) 

اللون الروز الفاتح والغامق 

اللون البنى الفاتح والغامق

الكحل 

اللون الاسود اساسى 

اللون الابيض عشان يوسع العين

بودرة مضيئة

تضعيها تحت العين لتنور وتعطيكى اضاءة جذابة

ثالثا أفضل انواع ماركات المكياج

ديور 

ماكس فكتور

تشاو

اماندا

جيفنشى

بور جوا

فور ايفر

ماك

لانكوم

جورالاين

اوربان ديكاى 

نارس

وبكدة خلصنا بدائيات واساسيات تعليم فن المكياج 

واتمنى يكون موضوعى عجبكم وينال اعجابكم بقدر المستطاع ان شاء الله

الفاوندشن ( كريم الاساس) 

يغطى عيوب البشرة ويجعلها صافيه

انــواعــه

1- السائل ( الليكويد)

2- البودرة المضغوطة ( الكومباكت)ولازم يكون معاها اسفنجة

وفى نوع من البودرة المضغوطة وبنسميها احنا البودرة المائية والمعروفة والاكثر شيوعا واستخداما فى مصر

2- البودرة المضغوطة ( الكومباكت)ولازم يكون معاها اسفنجة

وفى نوع من البودرة المضغوطة وبنسميها احنا البودرة المائية والمعروفة والاكثر شيوعا واستخداما فى مصر

3-البودرة الحرة او السائبة ( اللوز بودر)

4- الاستيك ( شبه قلم الروج )

5- الكونسيلر ( لاخفاء العيوب) ويوضع تحت العين لاخفاء الهالات السودة والحبوب والنمش 

ويوزع عالمنطقة التى تريدين وضعه عليها من الداخل للخارج

6- الكريمى 

عند استخدامه تستخدمى فرشاة كريم الاساس اللى قولتها فى بدائيات واساسيات تعليم فن المكياج لتوزيعه عالبشرة

أفضل انواع كريم الاساس لكل نوع بشرة

السائل لجميع انواع البشرة 

البودرة المضغوطة للبشرة الدهنية والعادية فقط 

الكريمى للبشرة الجافة فقط لان به مواد لترطيب البشرة 

الموس او المعجون للبشرة التى بها تجاعيد 

اى لكبار السن 

الاستيك لبشرة التى بها علامات وندب مكان اثار الحبوب وعيوب

كيفية وضع الفاونديشن عالبشرة

1- يوضع الفاونديشن على بشرة نظيفة وزى الفل 

2- تضعى الفاونديشن عالقورة والانف وتحت العين والخدود والذقن والرقبة 

3- توزيع الفاونديشن بقطعة من الاسفنج المخصصة له او باطراف اصابعك اى التوزيع من الداخل الى الخارج 

4- توزيع الفاونديشن اللى على القورة بالعرض ثم تنزلى من جناب القورة على جناب الخد وتوزعى بداية من الخد من الداخل الى الخارج اى الى الاذن ومن تحت العين من الداخل الى الخارج ومن الانف بشكل طولى ثم توزعى اللى على الذقن من فوق لتحت يعنى تبدئى من الذقن وتنتهى عن الرقبة ولازم الرقبة تضعى عليها الفاونديشن عشان يكون اللون موحد بين البشرة والرقبة 

توزيع الفاونديشن عالبشرة بالشكل ده

5- عند وضع كريم الاساس تضعى الاول النوع السائل وبعدين اى نوعه فوقه؟ 

او ممكن تكتفى بنوع واحد فقط تضعيه عالبشرة 

انا عن نفسى بكتفى بنوع واحد بضعه عالبشرة وهو السائل ماركة تشاو او اماندا

ومش ينفع تضعى مثلا النوع البودة المضغوطة وفوقها اللوز بودر مثلا عشان وشك حيجير او اى انواع اخرى لازم الاول السائل وتركة لمد ثوانى ليجف ثم تضعى طبقة اخرى لو تريدين من اى نوع كريم اساس مناسب لنوع بشرتك

ان الخطأ الشائع فى اختيار الوان كريم الاساس المناسبة لبشرتك 

انك بتجيبى لون بعيد جدا عن لون بشرتك بكزا درجة فممكن بتلاقى بنت عاملة كده فبتقولى فى نفسك دى حاطة على وشها كيلو بودرة باضحك

الاختيار الصحيح ازاى؟ 

انك بتجيبى لون كريم الاساس افتح من لون بشرتك بدرجة واحدة فقط 

عشان لما تيجى تضعيه عالبشرة تظهر ببان لون بشرتك طبيعية ومش حاطة كريم اساس عليها

ولو مش لقيتى كريم اساس افتح من بشرتك بدرجة ممكن تجيبى اللون اللى افتح منك مثلا بدرجتين ومعاه تجيبى اللون الغامق منك بدرجة وتعملى ليهم دمج الاتنين مع بعض وتشوفى لونهم حيناسب لون بشرتك ولا لأ

اختبار لون كريم الاساس والكونسيلر المناسب للون بشرتك 

من الخطا الشائع ان احنا بنختبر كريم الاساس ع كف اليد لان كف اليد لونه مختلف عن لون البشرة وفى ضوء اللمبة اى الضوء الصناعى وكدة غلط لان اللون مش بتقدرى تحدديه بالظبط وممكن تختارى لون بعيد عن لون بشرتك

الطريقة الصحيحة فى اختيار لون كريم الاساس

1- تجربته على الرقبة لان الرقبة لونها لون بشرتك الاساسية لا بشرة وجهك مكن تكون غامقة من الشمس فمش تقدرى تحددى اللون بالظبط

2- تشوفى لونه مناسب لبشرتك فى ضوء النهار يعنى تقفى مثلا عند باب المحل وتشوفى لونه مناسب لبشرتك ولا لأ

واتمنى موضوع الفاونديشن يكون انال اعجابكم ان شاء الله

جميع الشرح بصوره فى تعلاقات