المكونات
300 مللى ماء دافىء (اغليه و اتركيه 10 دقائق)
1 باكتة خميرة جافة
125 جرام جبنة ريكوتا
500 جرام دقيق او 4 كوب
1 1/2 معلقة صغيرة ملح
عودين شبت مفرومين ناعم جدا جدا
معلقة زيت نباتى

الطريقة

امزجى الماء و الخميرة فى بولة و لما تتفاعل امزجى معاهم الجبنة الريكوتا


امزجى الدقيق و الملح و الشبت و بعدين اضيفيهم على خليط الماء و الخميرة و الجبنة


ادهنى السطح اللى حاتشتغلى عليه بمعلقة الزيت و اعجنى لمدة 10 دقائق حطيها فى بولة مدهونة زيت و غطيها كويس لغاية ما يتضاعف حجمها بعد ساعة تقريبا فى مكان دافىء ادهنى قالب توست كويس و كمان رشيه بالدقيو حطى العجينة فيه و غطيها و سبيها ساعة و نصف فى مكان دافىء


سخنى الفرن 10 دقائق رشى سطح الرغيف بالدقيق حطى القالب فى الفرن على 200 مئوية  لمدة15 دقيقة و بعدين وطى النار لدرجة 160 مئوية و اخبزيه لمدة 30 دقيق او لغاية ما يأخذ شكل الرغيف.