كنا اتكلمنا قبل كده علي فكرة الرد على تعليقات واسئلة الناس وقولنا ان ملهاش رقم ثابت او مدة محددة وان على الاقصى ما تزدتش عن 24 ساعة ... 
ولو انت بتدرير صفحة ومش ملم بكل الاجابات لان فيها اسئلة فنيه ... تحاول ترد بانك تعرف الخص ان شوفت سؤاله وانك هترد عليه لاحقا زي انك تكتب ( تم ارسال استفتساركم للقسم المختص وسيتم الرد عليكم خلال كذا ... )

وقولنا ان - حسب تقرير socialbakers - اسرع صفحة في مصر بترد هي صفحة موبينيل بترد خلال 17 دقيقة في المتوسط 


المهم المثال بتاع النهارده عن شركة اسمها REI وهي شركة بيتيع منتجات اونلاين خاصة بال outside activities زي مثلا احذية رياضية للجري او تسلق الجبال حاجات خاصة بالتخييم والمعسكرات .. وحاجات زي كده 

المهم اللي حصل ان قبل اجازة الكريسماس . الشركة ده قررت تعمل ال 
WOW expectations فيما يخص الرد على استفتسارات الأعضاء ... قالوا للناس اللي عنده استفسار او ملاحظة ممكن يسألنا علي الهاشتاج ده #giftpicks

حتى الان الموضوع يبدوا جميل لكن في اطار الطبيعي والعادي ..فلو انت كنت عميل للشركة ده وسالتهم مثلا ايه العروض الجديدة اللي عندكم او لو سألتهم اذا كان عندهم منتج معين يحافظ علي درجة حرارة المايه او اي سؤال . 

انت كعميل منتظر ايه ؟ منتظر مثلا انهم هيردوا علي سؤالك خلال مثلا ساعة او اثنين ... ويمكن اقل كمان . فتلاقيهم راحوا ردوا على سؤالك بفديو خلال نص ساعه مثلا .

انت وانت بتسأل السؤال كنت منتظر خدمه معينه فلو لقية خدمة افضل كنت منتظر الرد في سطر فلقيت فديو شخص طالع بيقولك اهلا يا فلان – باسمك – انت كنت سألتنا من شوية عن لو عندنا ساعه بتحسب ضربات القلب ومعدل حرق السعرات الحرارية ... ويرد علي سؤالك 

خلال الكام يوم بتوع الحملة ... انتجوا حوالى 90 فديو ... والدخول على موقع الشركة تضاعف 

طبعا مش محتاجين هنا نتكلم عن صفحات مش بترد على اسئلة الاعضاء لمدة يوم واثنين وثلاثه في الحالة ده الافضل انهم يقفلوا الرسائل افضل من الناس تكون متوقعة انك طالما فاتح الرسائل يبقى هترد عليه خلال كام ساعه او حتى خلال يوم وبعيدن يلقوك غير مهتم بيهم 


انت بخصوص ال 
WOW expectations 
هل في محل معين او brand بتلاقيه بيهتم بالنقطه ده ؟