جارى التحميل
استخدم زر ESC أو رجوع للعودة
@حكاية مصرية@
أنادي يامصر
و يسمع ندايا مين
شاعر وراوي
تاهت مني الخطاوي
بكت معايا الغناوي
سوا في الطرق تايهين
وأحلف ليكي بأغلى يمين
وحياة أولادك وكل أحفادك
نصارى ومسلمين
هيرجع ليكي حقك
وحق المظلومين
و يجي يوم نفرح
ولطريق الحق نرجع
ونكوي جروح بتوجع
و نقبل عزاء المعزيين
أصل الحكاية أصيلة
وراوي الحكاية مين ؟
عن الصبية بهية
و الجدع ياسين
البنت زي القمر
و الصوت كلام السحر
و أصل الشهامة مين ؟
فارس وحارس
وعادل وثائر
وساجد لرب العالمين
عالم وعارف و كاتب
للعهد بخط اليمين
العين بتبكي
و اللي بينعي مين؟
الدمع زي الدم
البكا يزيد الهم
و الشال مكتوف
والضفاير مفرودين
أصل السؤال يحير
مين اللي قتل ياسين؟
الرد من صوت
باكي و مليان أنين
شياطين مترصدين
في الضلال غايبين
خدوه غدر
و الغدر طبع مين ؟
وجاتلوا طلقة رصاص
من فوق ظهر الهجين
الجسم كله جروح
و الرصاص وسط الجبين
اسألوا الشهود
و الشهود مننا حاضرين
مات بطل و الشهود شاهدين
و حكم وقضا
من سابع سما
من رب العالمين
و شيطان بيضحك
الضحكه بكت ملايين
و بصوت مسحور
كفايه بكا و البكا يرجع مين
رفعت أيدي للسما
وعرفت حقي يجيبه مين
# ابسط كلام للشهيد
ابراهيم نواره
المصدر: ابراهيم نواره
