الشاعر/محمود عفيفي دومه/يكتب في مجلة/الاتحاد الدولي للمؤلفين العرب

(..عاتله..)٤٥٣
والله يابني كنت عايشه... 
 وبقليلي وماكنت  عاتله
ان يجيني يوم هديه.
او حتي مره ينوبني  فاتله
والله يابني عنيه كات 
.وسط راسي
صاينه بيتي.وعارفه واجبي  وايه خلاصي
وكنت راسيه ...
ان يابني الدنيا  قاسيه
بس برده كنت عارفه...وماكنت ناسيه 
ان يابني الغيره قاتله...
ولا ايه بيدور ف حارتي...
وجايبه ايه لبيتها جارتي... 
وهم بكره وايه هاناكل...ولابعده.... 
كان ع الله وما كان تواكل
كان ابوك يرمي... ف حجري كل عرقه
كات قروش...كنت واعيه ماكنت هاطله
كنت حاسه وكنت شايفه..
.كان ده فطره 
كان دعايا لربي..انه مانشوف مشاكل
ومطاوعه ابوك حاضروطيب ...مفيش مماطله
و لو الزمان سايب... من ريحته الم وجرح
كنا نشكر ربنا ع الغموس... لو كان بملح
كنت فاهمه ابوك بالاشاره..
.دون أي شرح
كان عشانا.يابني.نوم.
وكان نص ايامنا صوم . 
وبعد صومك تعيش مصحح
والطعم سكر لو عيش مرحرح
بس لما كنا في الهون ندق
 مره فص توم 
وكانت تبقي يابني الضحكه عوم
ايوه يابني كان يبقي يوم
ولو نسيره ومن الزفر وان شاالله حته..
كان تكفينا مع.شوربه. ونقضيها فته 
وتبقي عوم.
وبيتنا شم  لريحه لفص توم
والله يابني كان يبقي عيد.    
ومن القناعه... كان مبارك وكان يزيد ...
وعدي يوم. وهم بكره ماكنت عاتله
كات مآ نسانا بسمه...ومفيش للوم 
والله كتير اقعد وسارحه
حتي راسي بعد ابوك ماقلعت لطرحه 
والله طعم الدنيا يابني... ناقص لفرحه
والله يابني بعد ابوك ...ماقبلت ضحكه.
والله يابني الفرقه قاتله
ودي شهادتي ف حق ابوك
والله يابني ماكلمه زايده  ولا منه.. كلمه  باطله.
بقلمي/محمود عفيفي دومه
جمهوريه مصر العربيه