المصدر: (وصفه بلدى) شعر: احمد التبينى هات حبهان ومستكه وشويتين من عرق مان وشويه من ريش الحمام ودم ناشف من زمان كان اصله مسك على الرصيف وهات لى ملح وكام رغيف واياك تجيب لى لبان دكر عمر المياعه ماكات ف يوم ابدا دكر.. هات ثمره ناضجه على الشجر على شعرتين ويكونو بس عرقانين على ضفر مظلوم واستوى على مخ طازه لسه ديساه مجنزره واوعاك تجيب الصبر دا كتير مرترط ف البلد وهات شويه من دموع طفل وصبيه وكام ولد على كام حجر مرسوم عليها دُره عاش ف الف غيره بيتولد وبُق من نيل الجلد وجلد طاب لما انجلد واستنى لنزول المطر على ارض نشفت م العطش هات حفنتين ميه وعطش.. واطحن دا كله بالحجر غمض عينيك فتح عينين ماكانوش عينيك هتلاقى ادامك جدع..راجل دكر له وحشه غايب من سنين وف كل مجلس يتذكر قالوا: صلاح انا قلت دين مهما حصل رح ينتصر مهما حصل رح ينتصر