المصدر: ألفين سؤال بيدحرجوا بلى في إيدين العيال وكف مريم /علي صدرها في أحضان هلال وضي من شيش الهنا مسروق حلال من نظرة كانت ملفته ساعة دلال كل دول كانوا فواصل مرحله أحلام سعيدة مؤجله بالمسطرة وبالمنقلة في صحيفة القلب اللي مال كل اللي عاشوا بصاصين وبيرصدوا الضحكة قبل ماتتولد وبيقصدوا في كل انواع المعارك يطردوا الفرحة.......... فشلوا في الإغتيال مرت مواكب فرحنا سحباها خيل وسيوف بتحمي ضهرنا زى النخيل والخصم وقت المعركه مقهور ذليل ودموعة وصلت كعبها حنه بجمال فوق الكهارب جلجلت كل النجوم منديل وزينه بترتجف هنا كل يوم واللوم خجل من فرحنا قال ع العموم مبروك وعقبال عندنا علي أى حال #عادل_عوف