المصدر: نفس الحياة وتوبها العنيد ************************* نفس الوجع ومفيش جديد نفس موجة حزن راجعة من بعيد نفس الألم نفس العذاب نفس الحصار والنار تزيد نفس الوشوش نفس الرتوش نفس الحياه وتوبها العنيد نفس السراب نفس الضباب نفس الزمن نفس الوعيد ازمة بشر بقلوب حجر تطوى الحديد ازمة عدم صرخه ندم عالية كما الطفل الوليد ازمة شجن جوة البدن سجن الدموع زى العبيد أزمة خيانة وإستهانة وإنطفى ويا الدموع شمعك ياعيد هى الصدف ولا الظروف اللى إختفى فيها الضمير أصبح وحيد هى الصدف ولا الظروف اللى إنتهى منها الخجل وراح أكيد هى الصدف ولا الظروف اللى إبتدى بيها الملل يعزف نشيد راحل مع الخوف والعلل وسط الضباب والموج شديد وتعيش وتحلم بالحياة وبطوق نجاة ويحن ليك توبها الجديد تلقى الحقيقة عليك تفوت لسراب وموت ياخدك بعيد محمد سالم