المصدر: سمو الاميرة .................. بحق انك انت اللى عايشة فى كيانى وأنك أميرة وعرشك قلوب بحبك ودوب فى بسمة عيونك وتكره عيونى أشوفك حزينة يا طاهرة وامينة وفاردة دراعك عشان يحتوينا يا اجمل سفينة عبرنا عليها سنين الضياع وهفضل شاريكى اذا الكل باع ومنتيش متاع ولا فرح زايل هسوى عشانك يا غالية الهوايل وأرجع لعينك سنين الضياء عيالك فى سينا بيحموا فى ضهرك وقلة حزينة بتنخر فى صفك وصخرك عساكر ورملك مدافع عيالك اسود وكل الحدود بتكتب باسم الشهيد اللى مات متيجى يا قلبى نهد اللى فات ونكتب تاريخ النضال من جديد عيالك حديد وشمسك أصيلة لا يمكن تغيب هنفرد شراع الامل فوق جبينك نعطر سنينك دراعنا يمينك وعمرى ما يسوى ابتسامة النهار وقلبى اللى داير يغنى لنصرك فى كل المصاعب تلاقيه فى صفك منايا اضيف ابتسامة لوشك واجنى عبير الجناين وارشك ولا اعرفش اغشك يا اطهر ما فينا دموعنا عشانك بنبكى لحالك ونضحك اذا شفنا ليكى ابتسامة يا عالية وقامة بتحنى كتاب التاريخ فوق جبينك منصور عبد المقصود أعجبني