ياللي
ياللي انت
غاوي الصحاب
خد الاصيل صاحب
مش كل واحد ضحك لك
اوام .
اوام تعملو صاحب
اوعاك تماشي الخسيس
ولاتعملو صاحب
والناس معادن ياولدي
والاصيل معدنه غالي
اياك تماشي الندل في يوم
ولا تعملو صاحب .
ياللي .
ياللي انت غاوي الجمال
روح القبر طل وشوف
هتلاقي الجمال انتهي
والعضم بقي مكشوف
ياللي .
ياللي انت غاوي الكلام
كتر الكلام دا بلاش
واحفظ لسانك ياولدي
وعتبه الندل ما تدخلهاش
ياللي .
ياللي انت عندك كبر
وبتعامل الناس من فوق
خليك متواضع تلاقي
الكل شيلك فوق
ياللي .
ياللي انت غاوي الشعر
واللحن والكلمات
دا الشعر نبض الروح
وتعبير عن الاهاااااااات
ياللي
كلمات / صلاح الطوخي
