Tommy Hunter
********************كلمات / حاتم فهمى
( ليلة العيد )
طول الشهر
متمرمط على
الاعتاب
انا ومراتى
وعيالى
ضيوف اغراب
فى كل موائد الصدقه
وعلى الابواب
نغمس لقمه الشفقه
عليها تراب
لاكن اصعب
سؤال اولادى
على الاحوال
ولبس العيد
امته يابابا هانعيد
بلبس جديد
تعبنا يابابا من الاحسان
ومد الايد
نزلت دمعه من عينى
مع التنهيد
وقادت نار فى شراينى
وكل وريد
صرخ قلبى بصوت عالى
عمل زلزال ورعد شديد
وفاض الدمع من عينى
على حالى يشق جليد
وقال لأ
اعيش متهان عشان صدقه
واموت محروم من الرقه
وحنيه نسيت المواعيد
ولا اولادى تبوس الايد
عشان هدمه تسترهم
فى ليلة العيد
