إمسك القلم بإيديك
واكتب ما يملى عليك 
واعرب اللى تحته خط 
لو يجور عليك الزمان
وتتبنى فوشك حيطان
هات حمولك عليه وحط 
مهما كان البحر واسع 
والموج عالى فيه وطالع
لابد دايما تلقالو شط
إفتح فى كل حيطه باب 
واقفز من فوق الصعاب 
ولما تقرب منها نط
متقولش بابا مدانيش 
ومش بيساعدنى اعيش
ليه للرجولة تحط شرط 
متقولش حظى مش تمام
والسعد جايلى بالجرام
والفشل بييجى رزم وفرط
الحظ ميجيش للى خايف 
والراجل ميكونش هايف 
والدكر مش بس بط
منير خاطر