ساعة واحدة
بتقول ايه يا حبيبى سمعنى
قصدك من يومها بتخدعنى
وكل ده بتضحك على عقلى
كنت بتتسلى معايه يعنى
.............
جى تدعينى لحفل زفافك
وكأن ولا شيئ بينى وبينك
وامشى اسقفلك قدامك
واقول للناس دنا فرحانالك
........
يعنى كلامك كان كله خداع
وانا ببنى فى قصور وقلاع
وبتشعبط فى كلام خداع
لا بينشرى ولا بينباع
........
كل اللى قلتو راح فين
دا لسه آخره من يومين
كلام حلو..وكلو حنين
مش كلامك..ولا كلام مين
.........
مبسوط لما كسرت بقلبى
بعد سنين فرحانه بحبى
تكسرنى وتقول مش زنبى
ومليش يد ف قسمة ربى
.......
ربنا قالك على كيفك تدبح
وتدور فى قلوب الناس تجرح
وعاوزنى اشوفك كدا وافرح
وآجى اباركلك ع المسرح
........
فيه غير كده فى الدنيا نداله
ولا قلوب قاسيه وجبانه
لا تعرف رجوله ولا شهامه
ناس من طبيعتها الخيانه
........
روح منك لله يا ظالم
هوه الحاسس بيه وعالم
وهيخلصلى منك لازم
وتعيش كدا طول عمرك نادم
........
اللى زيك مبكيش عليه
ولا اقول اتخدعت فيه
انته مداس..وفرحت بيه
ولما داب..قلعته وهرميه
........
منير خاطر
