..........(خلل صاب أمتنا)........
مدري وش اللي اقوله و اخفيه
محتار فكري و المعاني ضايعه
وضع مزري نعيشه بكل ما فيه
يرسم ملامحنا بوجوه جايعه
وجوه غبرا تشكي اليأس والتيه
وفقدان الأمل في غياب منابعه
كلن ع كيفه يداري قلبه ويسليه
ويظهر البسمه و يخفي مواجعه
تعصرنا المأسي في كلما نعانيه
ولاندري لمه للذل نفوسنا خانعه
صحيح نصلي للخالق و ندعيه
ولكن حقيقة ايماننا تحتاج مراجعه
نشوف حالنا ولاندري كيف نرثيه
وش حصل يا أمتنا تعالوا نراجعه
وش اللي قلب علينا الكون بمابيه
وكنا السلاطين والحصون المانعه
وش اللي حشد علينا الغرب اييه
وخلنا بقايا امم متناحرة متقاطعه
نشوف الجرح في فلسطين ونبكيه
ولا معنا سوا أيدينا للإعلام رافعه
نكتب نشجب نندد ونصيح ياهيه
لكن هيهات لنا ذي الجهات سامعه
خلل صاب أمتنا ولا يمكن نداويه
بالحسايف والتأسي والأقوال الساطعه
لأنا قدرضينا الذل وانتهجنا مباديه
وصدقنا علوم الغرب وصرنا معمعه
تركنا عرى الأسلام وغيرنا كلمافيه
حسب واقعنا من أجل نتوافق معه
تنازلناعن كرامتنا لجل الغرب نلفيه
ولالفتنا سوى الذله وهاذي الجعجعه
نصرنا الغيربعزتنا وأشترينا مايعطيه
شرب سمومهم عبرالوسائل الموزعه
تسايرنا مع الواقع لين انجرفنا فيه
و اليوم صرنا مجرد رسوم بطابعه
ياكيف نبتغي العزة و قرآننا نرميه
في رفوف مكاتبنا ورسولنا مانتبعه
صحيح مسلمين بس الإسلام مانحييه
و لا نحكم بما جاء فيه و ما شرعه
نوالي الكافر و نرفع المنافق ونعليه
وندرس قوانين اليهودي بكل مراجعه
نتباهى بمايصنع وثروتنا بين يديه
يمشينا حسب كيفه ولايمكن نمنعه
قسم بالله لو قرأنا القرآن بمعانيه
ما عرفنا من أعداءنا ضربه موجعه
ولاصرنا هواه التطور ولاعرفنا التيه
وكنا الان ملوك على رؤسهم متربعه
✍أبورأفت إبراهيم الشعراني
