مش بايدي
تفتكر بعدي عنك كان بايدي
ولا العذاب وقلبي اللي داب
وبختي ونصيبي ؟!!!
مكتوب عليا أحب بقلبي
أكتم وأخبي ناري وتعذيبي
أقسمت اني بحبك وصدقني قلبك
لكن الفراق مكتوب علينا نشوفه بعنينا
أصلي حرام الدنيا تضحك في يوم لينا
قدر مكتوب وعمر مش محسوب
عمرنا ضاع من إدينا ..دوبنا وهوينا
لكن الدنيا استكترت حبنا علينا
و برغم البعد حبك بيجري في دمي
ساكن فكري مالك أمري .وبحلف بعمري
محبيت ولا هاحب ولا هيكون غيرك بقلبي
هتفضل في بالي وخيالي وكل امالي
أشوفك بعيني واطفي حنيني
وأرجع معاك أجمل سنيني
هستني بكره.... وهحلم تجيني
حنان شوقي اللواء
