تاخدي اية وتيجي ساعة

جوه حلم تملي فاضي

تشربي حبة شجاعه

ترسمي انوثتك قصادي

،،،،،،،،،،،،،،،،،،،،،

عشتي عمرك جسم عادي

جوه واقع مــ الروتين

ليه تكوني بحر هادي ؟ ..

وجوه اعماقك حنين

،،،،،،،،،،،،،،،،،،،،،

اطلبي ما شئتي مني

بس راعي اني فقير

ثروتي الوحيده حلمي

والكلام سره ف بير

،،،،،،،،،،،،،،،،،،،،،

عندي دولة انا ليها ريس

قصرها مليان بخير

والجواري عارفين كويس

اني هرجع بيكي طير

،،،،،،،،،،،،،،،،،،،،،

جوه قصري الصراحة

زي سجادة حرير

لو نزلتي فيه سياحه

راح تشوفي شيء مثير

،،،،،،،،،،،،،،،،،،،،،

والحيطان زي القصيدة

كل بيت يشبه لدير

لو صلبتي عليها دهرك

الحروف منك تغير

،،،،،،،،،،،،،،،،،،،،،

قولتي ايه يا ام الانوثه

حلمي ليكي ف اشتياق

وليكي عندي الف بوسه

بعد عقد الاتفاق

ــــــــــ

احمدرمضان

  • Currently 0/5 Stars.
  • 1 2 3 4 5
0 تصويتات / 144 مشاهدة
نشرت فى 24 يناير 2016 بواسطة AbuJumana

احمدرمضان

AbuJumana
موقع يضم بعض كتابات احمدرمضان www.chinanews.uk www.chinanews.uk www.chinanews.uk www.chinanews.uk كوكب الصين كوكب الصين »

ابحث

تسجيل الدخول

عدد زيارات الموقع

200,469