اخر لقاء/احمدرمضان
ـــــــــــــــــــــــــ
اخر لقاء بينا
كنا فــ كافيه قاعدين
طلب لنفسه الفرح
وطلب لي انا طلبين
انا قولت بيحبني
وعشاني اتوصي
واتاريه طلب لي هموم
ومعاها حزن سنين
،،،،،،،،،،،،،،،،،،،،،،
اخر لقاء بينا
كنا سوا تايهين
لا عارفه اية جواه
ولا عارفه ليه ساكتين
واتاريه جايب لي رد
بعته بنظرة عين
نزلت دموع عل الخد
تحرق ماضي العاشقين
،،،،،،،،،،،،،،،،،،،،،،
اخر لقاء بينا
عزف الهدوء ف انين
اقسم يقول حالنا
من بعد عشق سنين
ان اللي غيرنا
كدبه وعاشوها اتنين
ووصلنا لصراحة
بفراق ما بين قلبين
،،،،،،،،،،،،،،،،،،،،،،
اخر لقاء بينا
مر في خيالنا شريط
يعرض علي بالنا
اجمل ماضي بحواديت
وكنا فيه ابطال
ابدعنا في التخطيط
وفوقنا علي صدمة
احساس لابس ف الحيط
،،،،،،،،،،،،،،،،،،،،،،
اخر لقاء بينا
سكناه اهات الخوف
دق الفراق بابي
زارني وكان ملهوف
اخرة محبتنا
اشرب مرار موصوف
يا رب صبرني
شبح الوجع هيطوف
،،،،،،،،،،،،،،،،،،،،،،
اخر لقاء بينا
ودعت فيه الفرح
وانا كنت معزومه
علي اكلة شاربه الملح
يا حال ما بينا مال
والجمع اصبح طرح
نقص العدد واحد
ماشي وشايل جرح
ـــــــــــــ
