يا سكرانين احزان

خمر الوجع الوان

والكاس اهو مصبوب

في حانة التوهان 

،،،،،،،،،،،،،،،،،

وكاس يسابق كاس

يعاتب الاحساس

تطلع اهات الخوف

تدارى وسط الناس

،،،،،،،،،،،،،،،،،،

يا حانة التوهان

هو الحساب علي مين

علي اللي كان انسان

ولا اللي عاشها حزين

،،،،،،،،،،،،،،،،،،،

ولا اللي كان عشمان

ف الدنيا يلقى حنين

وما شافش غير حرمان

وسنين تشد سنين

،،،،،،،،،،،،،،،،،،

يا حانة التوهان

شجر العنب مقطوف

خمرك صبح ادمان

والبار جليسة الخوف

،،،،،،،،،،،،،،،،،،

طبل يا عم الهم

قسم بقي الاحزان

خليني انسي الحلم

في حانة التوهان

ــــــــ

احمدرمضان

https://www.facebook.com/alfilsofahmed